2021 jylǵy qańtarda 2020 jylǵy qańtarǵa qaraǵanda qysqa merzimdi ekonomikalyq indikator 94,2 paiyzdy qurady. Qysqa merzimdi ekonomikalyq indikatordy esepteý jedeldilikti qamtamasyz etý maqsatynda júzege asyrylady jáne JIÓ-niń 60 paiyzdan asamyn quraityn aýyl sharýashylyǵy, ónerkásip, qurylys, saýda, kólik jáne bailanys siiaqty negizgi salalar boiynsha shyǵarylym indeksteriniń ózgerýine negizdeled, dep habarlaidy "Ult aqparat".
QR Strategiialyq josparlaý jáne reforma jónindegi agenttiktiń Ulttyq statatistika biýrosy usynǵan málimetke sáikes, 2021 jylǵy qańtarda negizgi kapitalǵa salynǵan investitsiialar kólemi 571,4 mlrd teńgeni qurady, bul 2020 jylǵy qańtarǵa qaraǵanda 17,5% kem.
2021 jylǵy qańtarda ónerkásip óndirisiniń kólemi qoldanystaǵy baǵalarda 2435,4 mlrd teńgeni qurdy, bul 2020 jylǵy qańtarǵa qaraǵanda 4,1% az. Tómendeý ken óndirý ónerkásibinde jáne karerlerdi qazýda (10,2%) tirkelgen. Bul kezde óńdeý ónerkásibinde ósim (3%), elektrmen jabdyqtaý, gaz, bý berý jáne aýa baptaýda óńdeý ónerkásibinde (4,9%), sýmen jabdyqtaýda, qaldyqtardy jinaý, óńdeý jáne joiý, óndiris lastanýyn joiý boiynsha qyzmette (2,1%) baiqalady.
2021 jylǵy qańtarda aýyl, orman jáne balyq sharýashylyǵy óniminiń (qyzmetiniń) jalpy shyǵarylymynyń kólemi 170,6 mlrd teńgeni qurady, bul 2020 jylǵy qańtarǵa qaraǵanda 2,5% artyq.
2021 jylǵy qańtarda qurylys jumystarynyń (qyzmetteriniń) kólemi 78,2 mlrd teńgeni qurady, bul 2020 jylǵy qańtarǵa qaraǵanda 7% artyq.
2021 jylǵy qańtarda «Kólik jáne qoimalaý» salasy boiynsha naqty kólem indeksi 82,6% boldy.
2021 jylǵy qańtarda júk ainalymynyń kólemi 45,6 mlrd t-km (kommertsiialyq júk tasymaldaýmen ainalysatyn jeke kásipkerlerdiń júk ainalymy kólemin baǵalaýdy esepke alǵanda) qurap, 2020 jylǵy qańtarmen salystyrǵanda 2,7% kemidi. Jolaýshylar ainalymynyń kólemi 5,9 mlrd j-km qurap, 75,3% kemidi.
2020 jylǵy qańtar-jeltoqsanda «Bailanys» salasy boiynsha naqty kólemi indeksi 109,4% qurady.
2021 jylǵy qańtarda «Saýda» salasy boiynsha naqty kólem indeksi 91,9% qurady.
2021 jylǵy qańtarda bólshek saýda kólemi 789,4 mlrd teńgeni nemese 2020 jylǵy tiisti kezeń deńgeiimen salystyrǵanda 95,4% qurady (salystyrmaly baǵada).
2021 jylǵy qańtarda kóterme saýda kólemi 1582,1 mlrd teńgeni nemese 2020 jylǵy tiisti kezeń deńgeiimen salystyrǵanda 92,7% qurady (salystyrmaly baǵada).
2020 jylǵy qańtar-jeltoqsanda Qazaqstannyń syrtqy saýda ainalymy 85031,1 mln AQSh dollaryn qurap, 2019 jylǵy qańtar-jeltoqsanmen salystyrǵanda 13% (nominaldy kóriniste) azaidy, onyń ishinde eksport – 46949,7 mln AQSh dollaryn (19,1% az, nominaldy kóriniste), import – 38081,4 mln AQSh dollaryn qurady (4,1% az, nominaldy kóriniste).
2021 jylǵy 1 aqpandaǵy jaǵdai boiynsha tirkelgen zańdy tulǵalardyń sany 462 945 birlikti qurady jáne ótken jylǵy tiisti kezeńmen salystyrǵanda 3,3% artty, onyń ishinde qyzmetkerleriniń sany 100 adamnan azy – 454325 birlik. Jumys istep turǵan zańdy tulǵalardyń sany 332 517 qurady, onyń ishinde 324137 birlik shaǵyn kásiporyndar (100 adamnan az).
Tutyný baǵasynyń indeksi 2021 jylǵy qańtarda 2020 jylǵy jeltoqsanmen salystyrǵanda 100,6% qurady. Azyq-túlik taýarlaryna baǵalar – 1,1%, azyq-túlik emes taýarlarǵa, halyqqa arnalǵan aqyly kórsetiletin qyzmetterge 0,3%-dan ósti. Ónerkásip ónimderine óndirýshi kásiporyndar baǵasy 2021 jylǵy qańtarda 2020 jylǵy jeltoqsanmen salystyrǵanda 5,1% ósti.
Áleýmettik sektor
2020 jylǵy jeltoqsanda halyqtyń orta eseppen jan basyna shaqqandaǵy ataýly aqshalai tabystaryn baǵalaý boiynsha 115 704 teńgeni (aldyn ala derekter) qurady, bul 2019 jylǵy jeltoqsanǵa qaraǵanda 4,3% joǵary, naqty aqshalai tabys kórsetilgen kezeńde 3% tómendedi.
2021 jylǵy qańtarda bir qyzmetkerdiń ortasha ailyq ataýly jalaqysy baǵalaý boiynsha - 222 261 teńge.
HEU ádistemesi boiynsha anyqtalǵan jumyssyzdar sany 2020 jylǵy IV toqsanda 453 myń adam boldy. Jumyssyzdyq deńgeii jumys kúshi sanyna 4,9% qurady. Jumyspen qamtý organdarynda jumyssyzdar retinde tirkelgen adamdar sany 2021 jylǵy qańtardyń sońyna 172,3 myń adamdy qurady nemese jumys kúshine 1,9%.
