«Almaty mańynda bolǵan ushaq apatynda qaza bolǵandar men zardap shekenderdiń otbasyyna qaiǵyryp kóńil aitamyz». Bul týraly juma kúni ótken baspasóz konferentsiiasynda Qytai Halyq Respýblikasy syrtqy ister ministrliginiń resmi ókili Gen Shýan aitty, dep habarlaidy QazAqparat.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi.
