Qytai ǵalymdary bógde planetadan shyǵýy múmkin signaldy tapqanyn jariia etti, dep habarlaidy QazAqparat USA Today-ge silteme jasap.
Beijiń pedagogikalyq ýniversitetiniń zertteýshileri bógde planetanyń birneshe tehnologiialyq izderin tapty. Bul týraly aqparat seisenbide Qytaidyń Ǵylym jáne tehnologiialar ministrliginiń «Science and Technology Daily» resmi gazetinde jariialandy. Signaldar FAST dep atalatyn diametri 500 metr bolatyn álemdegi eń úlken sferalyq «Aspan kózi» radioteleskopymen anyqtaldy.
Ǵylymi keshen Qytaidyń ońtústik-batysyndaǵy Gýichjoý provintsiiasynda ornalasqan. Ol 2016 jyldyń 25 qyrkúieginde jumysyn bastady. China ET Civilization Research Group bas ǵylymi qyzmetkeri, kosmolog Chjan Iýntsze gazetke burynǵy tabylǵandardan erekshelenetin birneshe tar jolaqty elektromagnittik signaldardy tapqanyn aitty. Sonymen qatar, signaldar jai radio kedergileri bolýy múmkin ekenin zertteýshi joqqa shyǵarmaidy jáne osy faktini rastaý nemese joqqa shyǵarý úshin olardy qosymsha zertteý qajet.
Qazirgi ýaqytta Qytaidyń ǵaryshtyq jobalarynda 300 myńǵa jýyq adam jumys isteidi. Bul AQSh-tyń NASA ǵarysh agenttigine qaraǵanda 18 ese úlken.
