Qytai Sinovac firmasynyń COVID-19 virýsyna qarsy shyǵarǵan CoronaVac vaktsinasyn 3-17 jas aralyǵyndaǵy balalarǵa qoldanýǵa ruqsat berdi. Bul týraly Sinovac firmasynyń tóraǵasy In Veidýn málim etti, dep habarlaidy "Ult aqparat".
Global Times basylymy Sinovac basshysy In Veidýnniń málimdemesine silteme jasap jazýynsha, CoronaVac vaktsinasyn 3-17 jas aralyǵyndaǵy balalarǵa shuǵyl qoldanýy maquldanǵan.
«Biraq vaktsina qandai jaǵdaida salynady jáne qai jastan bastap qoldanylatyny áli sheshilmegen», - dedi kompaniia basshysy.
Sinovac atalmysh jas aralyǵyndaǵy klinikalyq synaqtardyń I jáne II kezeńin aiaqtady, oǵan birneshe júzdegen erikti qatysty. Synaq qorytyndysy vaktsinanyń qaýipsiz ári tiimdi ekenin kórsetti.
Maýsym aiynyń basynda Dúniejúzilik densaýlyq saqtaý uiymy Sinovac kompaniiasynyń koronavirýsqa qarsy shyǵarǵan vaktsinasynyń shuǵyl jaǵdaida qoldanylýyn maquldady.
