Qytaida koronavirýs infektsiiasyna qarsy vaktsinanyń 700 mln-nan astam dozasy egildi. Bul týraly beisenbi kúni QHR Densaýlyq saqtaý ister jónindegi memlekettik komiteti málim etti, dep habarlaidy "Ult aqparat".
Salalyq vedomstvonyń málimetinshe, 2 maýsymdaǵy jaǵdai boiynsha eldiń 31 provintsiiasynda (avtonomdy aýdandar, qalalar) jáne Shyńjań óndiristik-qurylys korpýsynda koronavirýs infektsiiasyna qarsy vaktsinanyń jalpy alǵanda 704 826 000 dozasy salyndy.
Keshe Qytaidyń qurlyqtaǵy bóliginde COVID-19 juqtyrýǵa qatysty 24 jańa oqiǵa tirkeldi (sonyń ishinde 15 oqiǵa – lokaldi), infektsiiadan eshkim ólmegen. Virýsty juqtyrýdyń 15 lokaldi oqiǵasy Qytaidyń ońtústigindegi Gýandýn provintsiiasynda anyqtalǵan.
Osyǵan bailanysty 2 maýsymda Gýanchjoý qalasynyń eki aýdanynda koronavirýsqa qatysty epidemiologiialyq qaýip deńgeii joǵary dep baǵalandy.
Mamyr aiynyń basynda eldegi BAQ Qytaida koronavirýs juqtyrý qaýpiniń joǵary jáne ortasha deńgeii bar aýdandar qalmaǵany týraly habarlaǵan.
Sońǵy resmi derekterge sáikes, Qytaidyń qurlyqtaǵy aýmaǵynda COVID-19 virýsyna shaldyqqan patsientterdiń 94,51 paiyzy saýyǵyp shyqty. 2019 jyldyń jeltoqsanynan bastap koronavirýs juqtyrǵandar sany 91 myń adamnan asty. Ólim-jitim kórsetkishi 5,08 paiyz (koronavirýstan 4 636 adam óldi).
