Qazaqstan bul kúnderi Qytai eliniń ońtústik Gýandýn provintsiiasynyń Gýanchjoý qalasynda EKSPO aiasynda ótip jatqan «21 ǵasyrdaǵy Teńiz Jibek joly» atty halyqaralyq týrizm jáne mádeniet kórmesine qatysyp jatyr, dep habarlaidy "Ult aqparat".
Kórmedegi Qazaqstan pavilonynda elimizdiń týristik áleýeti, mádenieti men dástúrleri týraly aqparat, sondai-aq qazaqstandyq aýylsharýashylyq ónimderi usynylǵan.
Qazaqstandyq pavilon Gýandýn provintsiiasy turǵyndarynyń erekshe qyzyǵýshylyǵyn týǵyzdy.
Bul shara Qytaida biyl QHR Bilim kúnimen (1 qazan) tuspa-tus kelip otyrǵan kúz mezgiliniń ortasy merekesiniń qarsańynda ótip jatyr. Qytaidyń kóp azamattary bul kúnderi demalyp, el boiynsha nemese shetelge shyǵý múmkindigin paidalanyp júr.
Ońtústikqytailyq Gýandýn provintsiiasy – 115 mln astam turǵyny bar, halyq tyǵyz ornalasqan provintsiialardyń biri.
Jergilikti BAQ-tyń habarlaýynsha, 1-8 qazan aralyǵyndaǵy «týristik altyn aptada» jolaýshylardy áýe tasymaldaý ósimi 10 paiyzǵa artady dep kútilip otyr.
