Qytaidyń Shansi provintsiiasynda eki qabatty qonaqúi qulap, oqiǵanyń saldarynan 29 adam qurban boldy, dep habarlaidy Sinhýa agenttigi.
Agenttiktiń habarlaýynsha, osy ýaqytta oqiǵaǵa bailanysty adamdardy izdestirý jumystary aiaqtaldy.
Ekiqabatty qonaqúi senbi kúni jergilikti ýaqyt boiynsha tańǵy saǵat 9:40-ta Qytaidyń Shansi provintsiiasyna qarasty Linfen qalalyq okrýgindegi Sianfen ýezinde bolǵan. Apattyń neden bolǵandyǵy ázirge anyqtalǵan joq.
Agenttiktiń habarlaýynsha, izdeý-qutqarý jumystary jeksenbige qaraǵan túni aiaqtalǵan.
Qutqarýshylar qirandylardyń astynan 57 adamdy tapqan, olardyń 29-y mert bolǵan. 7 adamnyń jaraqaty aýyr, 21 adam jeńil jaraqat alǵan. Osy kezde aýyr jaralanǵandardyń ómirine qaýip tónip turǵan joq, olarǵa qajetti meditsinalyq kómek kórsetilýde.
Qutqarý operatsiiasy aiaqtalǵan soń oqiǵanyń sebep-saldaryn anyqtaý jónindegi komissiia quryldy.
