Búgingi kúni Qazaqstan men QHR (13 reis), Ózbekstan (24 reis) jáne Mońǵoliia (2 reis) arasynda jolaýshylar men bagajdy turaqty tasymaldaý toqtady. Bul jóninde Indýstriia jáne infraqurylymdyq damý ministrligine silteme jasap "Ult aqparat" abarlaidy.
Qazaqstan men Qyrǵyzstan (30), Ózbekstan (100) Resei (300), QHR (1000), Mońǵoliia (30), Ýkraina (50) jáne Tájikstan (50) arasynda jolaýshylardy turaqty emes tasymaldaýǵa otandyq tasymaldaýshylarǵa ruqsat blankilerin berý toqtatyldy. Bul blankiler týristik jáne tapsyrysty marshrýttarǵa arnalǵan.
Sondai-aq, koronavirýstyń taralýyna jol bermeý maqsatynda Resei jáne Qyrǵyzstanmen halyqaralyq qatynastaǵy turaqty marshrýttar reisiniń sany shekteldi. Odan bólek, t uraqty jáne turaqty emes avtobýs tasymaldarynyń tranziti toqtatyldy.
Tamaq ónimderin, halyq tutynatyn jáne meditsinalyq maqsattaǵy taýarlardy úzdiksiz jetkizý maqsatynda júk jáne pochta jóneltilimderin avtomobil kóligimen halyqaralyq ekijaqty jáne tranzittik qatynasta tasymaldaý shektelmeidi.
Sonymen qatar, tasymaldaýshylar halyqaralyq qatynasta avtomobil kóligimen júk tasymaldaý kezinde belgilengen karantindik jáne sanitarlyq-epidemiologiialyq normalardy saqtaýy tiis.
- Júrgizýshi belgilengen ÝSQ-da qatań túrde júrýi, óz avtokóliginiń kabinasynda bolýy tiis jáne óz bastamasy boiynsha janar-jaǵar mai stantsiialarynan, azyq-túlik dúkenderinen, avto úshin arnaiy jabdyqtalǵan turaqtardan nemese avtokólik synǵan jaǵdaida TQS-dan basqa qandai da bir oryndarǵa barmaýy tiis.
- Júrgizýshi boiynan JRVI belgilerin baiqaǵan jaǵdaida, ol óz avtomobiliniń kabinasynda qalýy, 103 nemese 112 telefondaryna qońyraý shalý, óziniń jaǵdaiy, avtomobildiń turǵan jeri, kabinadaǵy adamdardyń sany týraly habarlaý jáne jedel járdem kóliginiń kelýin kútý kerek.
- Avtomashinany kedendik tazartqannan jáne túsirgennen keiin sheteldik tasymaldaýshy avtokólikti tieýge jáne júkti kedendik resimdeýdi qatań túrde tieý jáne kedendik resimdeý ornynda bolý shartymen júzege asyrýǵa tiis.
- Tieýdi kútý kezinde avtomobil jáne júrgizýshi júk avtomobilderine arnalǵan arnaiy turaqta bolýy múmkin.
- Júk tielgennen jáne kedendik resimdegennen keiin júrgizýshi Qazaqstan Respýblikasynda bolý sharttaryn saqtai otyryp, ol arqyly Qazaqstan Respýblikasynan ketýi tiis AÓQ-nyń shekarasyna qatań túrde ustanýǵa tiis.
- Sheteldik tasymaldaýshynyń baratyn jerine barý jáne keri qaitý jolynda júrgizýshiniń Halyqpen, sondai-aq baqylaýshy organdardyń ókilderimen bailanysyn barynsha azaitý qajet.
Sonymen qatar, sanitarlyq-epidemiologiialyq qyzmetter keden jáne shekara qyzmetterimen birlesip, memlekettik shekara arqyly ótkizý pýnktileri anyqtalady.
