Qytai Qazaqstan baǵytyndaǵy poiyzdar sanyn kóbeitip, Qazaqstan tarapynan toqtap turǵan júkterdi qabyldaýǵa nietti. Bul týraly Qarjy ministrliginiń Memlekettik kirister komiteti habarlady, - dep habarlaidy Tengrinews.kz.
11 qarashada beine-konferents-bailanys rejiminde Qazaqstan men Qytai Halyq Respýblikasynyń (QHR) múddeli memlekettik organdary arasynda COVID-19 jaǵdaiynda Qazaqstan-Qytai memlekettik shekarasyndaǵy avtomobil jáne temirjol ótkizý pýnktteriniń jumys isteýi máselesi boiynsha kelissózder júrgizildi.
Qazaqstandyq delegatsiiany Qarjy vitse-ministri Marat Sultanǵaziev, qytailyqtardy QHR Shyńjań-Uiǵyr avtonomiialyq aýdany halyq úkimeti tóraǵasynyń orynbasary Liý Sýshe basqardy. Taraptar Qazaqstan-Qytai shekarasyndaǵy avtomobil jáne temirjol ótkizý pýnktterinde ótkizý qabiletin arttyrý boiynsha birlesken sharalar qabyldaýǵa kelisti.
"Qytai tarapy "Kóljat" - "Dýlat" ótkizý pýnktiniń qyzmetin qalpyna keltirý úshin Qytai jaǵynda ótkizý pýnktteriniń epidemiiaǵa qarsy qaýipsizdigin qamtamasyz etý úshin qosymsha qurylys jumystaryn júrgizý qajet ekenin atap ótti. Sonymen qatar, QHR ShUAA Halyq úkimeti sanitarlyq - epidemiologiialyq baqylaýdyń qatań sharalary saqtalǵan jaǵdaida Qazaqstan-Qytai shekarasyndaǵy "Maiqapshaǵai-Zimunai" avtomobil ótkizý pýnktiniń qyzmetin qalpyna keltirýge daiyn ekendigi týraly aitty", - delingen habarlamada.
