Qazaqstan Syrtqy ister ministriniń birinshi orynbasary Shahrat Nuryshev Qytai Halyq Respýblikasynyń Elshisi Chjan Siaomen kezdesýinde qos el qatynastarynyń ózekti máselelerin talqylady, dep habarlaidy "Ult aqparat".
QR SIM-nen málim etkendei, kezdesý barysynda mańyzdy taqyryptar kóterildi. Atap aitqanda, QHR-da turatyn týystarymen qaita qosylýlaryna járdemdesý týraly Qazaqstan azamattarynyń ótinishteri talqylandy.
«Elshi Chjan Siao ótinish bildirgenderdiń týystary QHR azamattary ekenin jáne el zańnamasyn buzýyna orai jazalaryn ótep jatqanyn habarlady.
Kezdesý qorytyndysy boiynsha taraptar halyqaralyq quqyq qaǵidattaryna sáikes konsýldyq qyzmetter jelisi boiynsha birlesken jumysty jalǵastyrýǵa kelisti», - dedi QR Syrtqy ister ministrliginen.
