Kúrish pen maqta ósirýge mashyqtanǵan aýdandardyń halqyn birneshe býynnan beri jalǵasyp kele jatqan kásipten aiyrmas buryn balama tabys kózi usynyla ma? Bul saýalǵa Ekologiia, geologiia jáne tabiǵi resýrstar ministriniń orynbasary Serik Qojaniiazov jaýap berdi, dep habarlaidy QazAqparat.
Jalpy elimizde sýdy kóp shyǵyndaityn daqyldardyń kólemin azaitý saiasaty 2005 jyldan beri qolǵa alynǵan. Ekologiia, geologiia jáne tabiǵi resýrstar ministrligi qurylǵannan beri bul jumys bir júiege túsip, ashyq júrgizile bastady. Osyǵan bailanysty eli ishinde «Kúrish pen maqta alqaptary qysqartylatyn aýdandardyń halqyna balama tabys kózin nege usynbaidy» degen saýaldar jii aitylyp júr. El kókeiindegi osy saýal Ekologiia, geologiia jáne tabiǵi resýrstar ministrligine joldanǵan edi.
«Kúrish pen maqta egiletin alqaptar Ile jáne Syrdariia siiaqty trasnshekaralyq ózenderdiń basseininde ornalasqan. Árine, qysqa ýaqyt ishinde bul máseleni sheshý múmkin emes. Aýyspaly egisti az ylǵal súigish daqyldarǵa engizý arqyly jerdi kezeń-kezeńimen kóshirý qajet. Syrdariia óńirinde mundai jumystar júrgizilýde. Maqta men kúrishtiń ornyn baqsha, kópjyldyq shópter, dándik júgeri basady», - deidi vitse-ministri Serik Qojaniiazov.
Ministrlik kúrish egilip otyrǵan 104 myń gektardyń 29 myń gektaryn qysqartý 10 jyl boiynda birtindep iske asyrylatynyn eske saldy.
«Fermerlerdiń qaýipsizdigin, eger olarǵa biyldan bastap kúrish egýdi toqtatý mindettelse, túsinýge bolady. Biz sýarmaly jerlerde maqta, kúrish, bidai egisterin birtindep, kezeń-kezeńmen qysqartý týraly mindet qoiyp otyrmyz jáne bul durys. Sondyqtan memlekettik qoldaýmen aýyl sharýashylyǵy óndirisin sýdy az qajet etetin daqyldardy ósirýge birtindep qaita baǵdarlaý kúrish ósirýshilerge shyǵyndardy azaitýǵa múmkindik beredi. Bizdiń elimizde kúrish egý alqaptaryn kezeń-kezeńmen azaitý – zaman shyndyǵynan týyndaǵan obektivti qajettilik», - deidi vedomstvo ókili.
