Oblystyq máslihattyń kezekti sessiiasynda oblys ákimi Q.Kósherbaev Syrdariia ózeniniń sol jaǵalaýyn igerý boiynsha atqarylyp jatqan jumystar týraly baiandady.
– Aldaǵy perspektivada Qyzylorda qalasynyń sol jaǵalaýyn igerý mindeti tur. Búginniń ózinde oblys ortalyǵyndaǵy halyq sany 280 myń adamnan asty. Taiaý bolashaqta ýrbanizatsiia deńgeiin, demografiialyq jáne kóshi-qon faktorlaryn eskeretin bolsaq, aldaǵy kezeńde qala halqy 350 myń adamǵa jetedi degen boljam bar. Demek, turǵyn úi qurylysyn damytýǵa qosymsha aýmaq qajet etiledi, - deidi oblys ákimi.
Oblys ákimi Q.Kósherbaevtyń aitýynsha biyl sol jaǵalaýmen bailanystyratyn kópir qurylysy aiaqtalady. Sol jaǵalaýdyń injenerlik infraqurylymyn damytý jobalary daiyn jáne memlekettik saraptamamen maquldanǵan. Qazir ony investorlarmen memlekettik-jekemenshik áriptestik aiasynda jáne Aziia damý bankimen iske asyrý múmkindigi qarastyrylýda.
Aimaq basshysy sol jaǵalaýdy igerýge qarjy tartý ońai sharýa emes, degenmen bastaǵan is aiaqsyz qalmaýy úshin táýekelge barýǵa qoryqpaý qajettigin aitty.
– Osy jobalardy memlekettik baǵdarlamalar sheńberinde júzege asyrý úshin respýblikalyq biýdjetten nysanaly transfertter tartýǵa jumys jasalýda. Biraq, basymdyq – memlekettik-jekemenshik áriptestikke beriledi. Sol jaǵalaýdy igerýge mundai qomaqty qarjyny alý, árine, ońai sharýa emes. Qazirgi daǵdarys jaǵdaiynda biz olardy segmenttei otyra iske asyratyn bolamyz. Árine, Qazaqstanda valiýta aiyrbastaý baǵamynyń erkin ainalymǵa kóshýin eskere kele, nesielerdi valiýtamen, onyń ústine uzaq merzimge alýdyń úlken táýekel ekenin túsinemiz. Biz muny jasyrmaimyz. Biraq, biz bul táýekelge sanaly túrde bardyq Óitkeni, jetistikterge toqmeiilsimei, jańa biikterge umtylýymyz qajet, - dep málimdedi Qyrymbek Kósherbaev.
Degenmen, aimaq basshysy buǵan qaramastan qalyptasqan jaǵdaidy jan-jaqty baǵalaý qajet ekenin aitty.
