Memlekettiń basty maqsat-muraty - adami kapitaldy damytý. Bul týraly QR Memlekettik hatshysy Qyrymbek Kósherbaev aitty, dep habarlaidy QazAqparat.
«Búgingi tańda memlekettiń basty maqsat-muraty - adami kapitaldy damytý. Osyǵan orai Elbasynyń bastamasymen júzege asyrylyp jatqan «Rýhani jańǵyrý» baǵdarlamasyn ulttyq jańǵyrýǵa ulastyrý qolǵa alynýda. Bul Memleket basshysy Qasym-Jomart Toqaevtyń halyqqa Joldaýynda aitylǵan ulttyń jańa bolmysyn qalyptastyrý jónindegi keleli mindettiń aiasynda iske asyrylmaq», - dedi Qyrymbek Kósherbaev Qazaqstan Táýelsizdiginiń 30 jyldyǵyna jáne Alǵys aitý kúniniń 5 jyldyǵyna arnalǵan dóńgelek ústel barysynda.
Memlekettik hatshynyń aitýynsha, sonyń negizde tulǵalyq damý nemese adami kapitaldyń sapasyn arttyrý, ulttyq biregeilik, memleket pen azamattyq qoǵamdy damytýǵa barynsha kúsh salynbaq.
«Osy arqyly biz birligi jarasqan barsha Qazaqstan halqyn qazirgi zamanǵy tolysqan memleket qurý jolyndaǵy joǵary maqsattarǵa jumyldyra alamyz», - dedi ol.
