Qazgidromet aldaǵy kúnderge arnalǵan aýa raiy boljamyn jariialady, - dep habarlaidy "Ult aqparat".
Sinoptikter málimetinshe, qyrkúiektiń sońǵy aptasynda naǵyz kúzgi aýa raiy ornamaq.
"Aldaǵy táýlikterde soltústik-batys tsiklonnyń sońynan Jańa jer aýdandaryna sýyq antitsiklon keledi. Respýblikanyń soltústik, ortalyq jáne shyǵys óńirlerinde jańbyrdyń sońy qarǵa ulasady. Kóktaiǵaq, tuman jáne aýa temperatýrasynyń minýs mánderine deiin tómendeýi kútiledi. Jeldiń kúsheiýi boljanady, elimizdiń ońtústik-batysynda, ońtústiginde shańdy daýyl turady.
Elimizdiń soltústik óńirlerinde termometrlerdiń túngi kórsetkishteri 1-6 gradýsqa deiin tómendeidi, al kúndiz aýa temperatýrasy 1-6 gradýsqa deiin joǵarylaidy. Respýblikanyń ońtústik jáne batys óńirlerinde kúndiz aýa temperatýrasy15-23 gradýsqa deiin jylynady", - delingen habarlamada.
