Qyrǵyzstannyń Batken oblysyndaǵy shekaralyq aýmaqta 20-dan astam adam Ulttyq qaýipsizdik boiynsha memlekettik komitetiniń qyzmetkerlerine qarýly qarsylyq kórsetti, dep habarlaidy "Ult aqparat" KABAR agenttigine silteme jasap.
Málim etilgendei, UQMK memlekettik shekara arqyly kontrabandalyq júkterdi anyqtaý jáne jolyn kesý boiynsha Batken oblysynda tiisti sharalardy jalǵastyrýda. Bul oblys arqyly zańsyz júk tasymalynyń eń qarqyndy marshrýty ótedi. Qyrǵyzstan azamattary – shekara mańyndaǵy eldi meken turǵyndary buǵan jappai narazylyq bildirýde. Turǵyndar kontrabandalyq júktiń toqtaýsyz aǵynyna shaǵymdanyp, memlekettik organdardy «áreketsiz otyr» dep aiyptaýda.
QR Qylmystyq kodeksiniń «Shekarany zańsyz kesip ótý» baby boiynsha tirkelgen sotqa deiingi is aiasynda búgin, 11 naýryz kúni UQMK organdary Batken aýdanynyń Samarqandyq aýylynda shuǵyl-tergeý is-sharasyn ótkizgen. Alaida Qyrǵyzstan azamaty Mashirap Abdýsalamov bastaǵan 20-dan astam adam kontrabandalyq júkti ustaýǵa kedergi keltirý maqsatynda UQMK qyzmetkerlerine atys qarýyn paidalana otyryp qarsylyq kórsetken.
«Osylaisha, qylmysty protsessýaldyq qujattaýǵa kedergi keltirý maqsatymen kontrabandashylar tobynyń UQMK qyzmetkerlerimen jappai qaqtyǵysy jasalmaq boldy.
Alty úlken júk kóliginiń ekeýi shekaranyń kelesi betine ótip kete aldy. Olardyń memlekettik tirkeý nómiri joq.
Arańdatýdyń saldarynan UQMK-niń eki qyzmetkerine dene jaraqaty keltirildi.
Qazirgi ýaqytta qaqtyǵysqa qatysqandar ustaldy. Oqiǵa ornynda ishki ister organdarymen birlesken shuǵyl-tergeý toby jumys isteýde.
Ulttyq qaýipsizdik boiynsha memlekettik komitet atalmysh fakti boiynsha jasalǵan qylmystyń barlyq mán-jaiyn jáne qatysýshylaryn anyqtaý boiynsha shuǵyl-tergeý is-sharalaryn jalǵastyrýda», - dep jazady Kabar agenttigi.
