Qyrǵyz-tájik shekarasyndaǵy sarbaz. Kórneki sýret.
4 qarashada Qyrǵyzstannyń Batken oblysynda tájik áskeri qyrǵyz shekarashysyna shabýyl jasady: olar onyń kóligine tas laqtyryp, ustaýǵa tyrysty. Bul jóninde Qyrǵyzstan ulttyq qaýipsizdik jónindegi memlekettik komitetiniń shekara qyzmeti habarlady, dep jazady Azattyq.
Vedomstvo málimetine qaraǵanda, qyrǵyz shekarashysy Leilek aýdanynyń Arka-Borbordýk tranzit trassasynda jeke kóligimen kele jatqan. Janar-jaǵarmai stantsiiasyna jaqyn mańnan burylǵan kezde tájik sarbazdary kúsh kórsetken.
"Tájikstannyń bes áskeri qyzmetkeri qyrǵyz azamatynyń kóligine tas laqtyrdy. Odan bólek, Qyrǵyzstan áskeri qyzmetkerin ustaýǵa árekettendi, biraq onysynan túk shyqpady" delingen vedomstvo habarlamasynda.
Tájikstan jaǵy ázirge oqiǵaǵa túsinikteme bermedi. Qyrǵyzstan jáne Tájikstan shekara qyzmetiniń ókilderi atalǵan oqiǵany talqylaidy dep habarlandy.
Jalpy uzyndyǵy 970-980 shaqyrym qyrǵyz-tájik shekarasynyń búginde tek 519 shaqyrymy ǵana demarkatsiialanǵan. Eki el arasynda jerge, sýǵa talas jii baiqalady. Kei ýaqytta qarý qoldanylyp, adam ólimine deiin ulasady.
Biyl sáýir aiynyń sońynda Qyrǵyzstan men Tájikstan shekarasynda bolǵan qantógisten keiin eki memlekettiń topografiia toptary birneshe ret kezdesip, hattamaǵa qol qoiǵan. Ázirge Bishkek pen Dýshanbe qujattardy jariialaǵan joq. Alaida shilde aiynda keiingi úsh kezdesý nátijesinde eki tarap shekaranyń 40 shaqyrymy boiynsha kelisimge kelgeni habarlanǵan.
