Qyrǵyz-qazaq shekarasyndaǵy "Aqtilek - avtojol" baqylaý-ótkizý beketinde shamamen 180 júk avtokóligi kezekte tur, dep habarlaidy Azattyq.
22 aqpanda tańǵy saǵat 9:30-daǵy málimetti Qyrǵyzstan shekara qyzmeti jariialady. Shekara qyzmet aqparatyna qaraǵanda, kezekte turǵan 60 júk kóligi taýardy ótkizýge qajetti qujattardy kútip tur.
Shekara qyzmetiniń aitýynsha, "beketke kólikterdiń jiylýy júkterdiń kóbeiýimen bailanysty". Qyrǵyz-qazaq shekarasyndaǵy basqa da beketterde kezek baiqalmaidy.
Vedomstvo júk kólikterine Qyrǵyzstannan Qazaqstanǵa basqa da shekara beketteri arqyly ótýge bolatynyn eskertti.
Ótken aptada Qyrǵyzstan qazaq shekarasynda júkterdi tekserýge qatysty qiyndyqtar týyndaǵanyn málimdegen. Júk tasýshylar Qazaqstandaǵy kedenshiler beketterde "negizsiz tekseredi" dep shaǵymdanǵan. Al Jogorký keńesh depýtattary kórshi eldiń memlekettik organdarynyń áreketi qanshalyqty zańdy degen saýal qoidy.
Odan soń eki eldiń Úkimet ókilderi kezdesip, shekaradaǵy jaǵdaidy baqylap otyrýǵa kelisti.
