«Chon-Kapka-avtojoly» baqylaý-ótkizý pýnktiniń shekarashylary 13 naýryz kúni Qyrǵyzstannan Qazaqstanǵa meditsinalyq taýarlardy zańsyz alyp ótýshiniń jolyn kesti, dep habarlaidy Kabar agenttigi.
Agenttiktiń málimetinshe, 1987 jyly týǵan qyrǵyz azamaty VOLVO FM12 markaly kóligimen ótkizý pýnktine toqtaǵan. Kólikti tekserý barysynda shekarashylar keptirilgen jemister salynǵan qapshyqtardyń astyna jasyrylǵan meditsinalyq taýarlardy (meditsinalyq maskalar) tapqan. Ilespe qujaty joq 95 600-den astam meditsinalyq maska tabylǵan.
Tabylǵan taýarlardyń jalpy quny 1 400 000 somnan asady. QR Úkimetiniń 03.02.2020 jylǵy №57 qaýlysyna sáikes, Qyrǵyzstan aýmaǵynan dárilik jáne meditsinalyq zattardy shyǵarýǵa alty aiǵa ýaqytsha tyiym salynǵan.
Tiisti qujattardy daiyndaǵannan keiin júrgizýshi men júkti Qyrǵyzstan Respýblikasynyń Ekonomikalyq qylmystarmen kúres jónindegi memlekettik qyzmetine ári qarai tekseris júrgizý úshin jiberdi.
