Ótken aptada baǵanyń tómendeýi elimizdiń úsh aimaǵy – Nur-Sultan qalasy, Batys Qazaqstan jáne Qyzylorda oblystarynda tirkeldi.
Sondai-aq, eń kóp ósim Túrkistan oblysynda jáne Almaty qalasynda baiqaldy.
Atap aitqanda, qyryqqabat 0,7%-ǵa, qaraqumyq jarmasy, airan 0,4%-ǵa, sút, tuz 0,3%-ǵa qymbattady.
Qazaqstan Respýblikasy Premer-Ministriniń birinshi orynbasary Á. Smaiylov aldaǵy mereke kúnderin eskere otyryp, baǵany qadaǵalaý, turaqtandyrý qorlaryn qalyptastyrý jáne saýda jelilerimen jumys jasaýdy kúsheitýdi ákimdikterge qatań tapsyrdy.
QR Aýyl sharýashylyǵy ministrligi ishki naryqta tapshylyqtyń aldyn alý jáne baǵany turaqtandyrý maqsatynda mal men kókónis eksportyna shekteý qoiý jumystaryn júrgizýde.
Aýyl sharýashylyǵy ministrligi shekteýler kúshine engenge deiin ishki naryqtaǵy jaǵdaidy kúndelikti baqylap, taldaý júrgizedi.
«Óńirler baǵany belgileý jáne deldaldyq tizbekterdi taldaý boiynsha óńirlik komissiialardyń jumysyn belsendi júrgizý jáne ÁMAT baǵasynyń turaqtylyǵyn qamtamasyz etýi qajet», — dedi Smaiylov.
Monopoliiaǵa qarsy organnyń aqparatyna sáikes, jyl basynan beri óndirýshiler men kóterme jetkizýshilerge qatysty 111 eskertý jiberilip, 16 tekserý taǵaiyndaldy, buzýshylyqtardy joiý týraly 20 uiǵarym, 11 eskertý, óndirýshiler, kóterme jetkizýshiler jáne bólshek saýda jelilerimen 186 monopoliiaǵa qarsy zańnamany saqtaý aktisi qabyldandy. Saýda ústemeaqysynyń 15%-dan asýy boiynsha 75 jaǵdai tirkeldi.
