Aqmola oblysynyń bas memlekettik sanitarlyq dárigeri Ainagúl Mýsina óńirde «Spýtnik V «Gam-KOVID-Vak» vaktsinatsiiasynyń ekinshi kezeńi qalai ótip jatqany týraly aitty, dep habarlaidy QazAqparat.
Onyń aitýynsha, birinshi aqpannan bastap aimaqta KVI vaktsinatsiiasy bastaldy.
«Birinshi kezeńde 1 300 doza vaktsina kelip tústi, birinshi komponentpen 1 298 adam egildi, ekinshi komponentti 1 048 adam aldy, olardyń ishinde 17 muǵalim, 9 memlekettik qyzmetker, 1 100 meditsina qyzmetkeri. Ekinshi naýryzda taǵy 3 700 doza vaktsina jetkizildi. Ekinshi kezeńde muǵalimder men kúsh qurylymdarynyń qyzmetkerleri vaktsinany alady. Onyń ishinde 638 muǵalim, 318 kúsh qurylymdary men politsiia qyzmetkerleri, 59 memlekettik qyzmetshi, 930 meditsina qyzmetkeri bar», - dep túsindirdi óńirdiń bas sanitarlyq dárigeri.
Osy rette, oblys boiynsha KVI - ǵa qarsy vaktsinatsiialaýǵa jumyldyrylǵan 24 egý pýnkti daiyndaldy, onyń beseýi Kókshetaý qalasynda.
«Eki komponentti alǵan kezde vaktsinatsiia aiaqtaldy dep sanalady, immýnitet vaktsina engizilgennen keiin 56-shy kúni qalyptasady jáne eki jylǵa saqtalady», - dep tolyqtyrdy Ainagúl Mýsina.
Sondai-aq, A.Mýsina vaktsina salý tártibi týraly aitty. Vaktsina birinshi kezeńde juqtyrý qaýpi joǵary adamdar egiledi. Olar meditsina qyzmetkerleri, mektepter, joǵary oqý oryndarynyń oqytýshylary men orta bilim berý mekemeleriniń pedagogtary, áleýetti qurylymdardyń qyzmetkerleri. Ekinshi kezeńde mektep-internat pedagogtary, mektepke deiingi balalar mekemeleri, stýdentter, memlekettik qyzmetkerler, sozylmaly aýrýlary bar adamdar egiledi. Úshinshi kezeńde meditsinalyq-áleýmettik mekemelerdiń personaly men kontingenti jáne balalardyń jabyq mekemeleriniń qyzmetkerleri. Tórtinshi kezeń-táýekel tobyndaǵy barlyq qalǵan kontingent.
«Ázirge ekpe salynǵan adamdardan vaktsinaǵa qolaisyz reaktsiia tirkelgen joq», - dep túiindedi A.Mýsina.
