Densaýlyq saqtaý ministri Aleksei Tsoi pandemiia ýaqytynda meditsina qyzmetkerleri aiyna shamamen 1 million teńge ailyq alǵanyn aitty, dep habarlaidy QazAqparat.
«Bul tólem áli de berilip keledi. Iaǵni, qaýipti jaǵdaida jumys istegen meditsina qyzmetkerleri qosymsha kepildikke ie bolýy úshin (infektsiialyq statsionarlarda) bir ailyq tólemge 200 myń teńgeden 850 myń teńgege deiin aqsha qosyldy. Máselen Almatydaǵy infektsiialyq aýrýhananyń dárigeriniń ailyǵy 250 myń teńge. Álbette bul eń joǵary bolmasa da eń tómen de ailyq dep te aita almaimyz. Osy sanattaǵy dáriger naýryz aiynan qyrkúiekke deiin 1,7 mln teńge jáne qosymsha 850 myń teńge aldy. Onyń ailyǵy bul kezeńde 7,7 mln teńgege teńesti. Iaǵni aiyna ol shamamen 1,1 mln teńge alǵan», - dedi Aleksei Tsoi Ortalyq kommýnikatsiialar qyzmetinde ótken baspasóz máslihatynda.
Ministr sonymen qatar infektsiialyq statsionardaǵy medbikelerdiń ailyǵy 153 myń teńge bolǵanyn málim etti.
«Atalmysh medbike qaýipti jaǵdaida jumys istegendikten qosymsha 850 myń teńgeden aldy. Shamamen osy aralyqta (7 aida) 7 million teńge tapty. Bul – qaýipti jaǵdaidaǵy jumys barysynda berilgen ailyq ekenin eskerý kerek», - dedi ol.
