Aldaǵy oqý jylynda elimizde birinshi synyptarǵa 340 myńnan astam bala barady. Osyndai boljamdy QR Bilim jáne ǵylym vitse-ministri Sholpan Karinova aitty, dep habarlaidy "Ult aqparat".
«Birinshi synypqa balalardyń qujattaryn qabyldaý 1 sáýirden bastalady. Mektepke alty jasar balalar men aǵymdaǵy kúntizbelik jyly 6 jasqa tolatyn balalar qabyldanady.
Aita ketý kerek, balanyń jasy 1 qyrkúiek aiy jaǵdaiyna tolyq 6 jasqa tolǵan bolsa, barlyq bala qabyldanady. Al jasy tolyq 6-ǵa tolmaǵan balalardyń (olardyń jasy ústimizdegi jyly 1 qyrkúiekten keiin tolatyn bolsa) tek ata-analary nemese basqa zańdy tulǵalary qalaǵan jaǵdaida mektepke barý múmkindigi bar», dep jazdy Sholpan Karinova Facebook-tegi paraqshasynda.
Aita keterligi, mektepke qujattar «elektrondy úkimet» veb-portaly arqyly elektrondy nysanda jiberiledi.
Onyń aitýynsha, erejege sáikes 1-synypqa qabyldaý kezinde aldymen qyzmet kórsetý aýmaǵynan ótinish (tirkelý orny boiynsha) bildirgen úsh úmitker, sodan keiin basqa aýmaqtan bir úmitker qabyldanady.
«Bilim berý uiymy mindetti kórsetilgen tizbeden tys qujattardy tapsyrýdy ótinish berýshiden (Bilim jáne ǵylym ministriniń 2018 jylǵy 12 qazandaǵy № 564 buiryǵy) talap etýge quqyǵy joq.
Ata-analar elektrondy formatta ótinish, týý týraly kýálik kóshirmesin, balanyń densaýlyǵy pasporty, densaýlyq jaǵdaiy týraly № 063/ý nysanyndaǵy anyqtama jáne 2 fotosýret tapsyrady. Gimnaziia, litseilerden basqa mektepterdiń barlyǵy balalardy mektepke esh túsý emtihanysyz qabyldaidy. 2021-2022 oqý jylynda respýblika boiynsha birinshi synyp oqýshylarynyń boljamdy kontingenti 340 myńnan asady dep kútilýde», - dedi Sholpan Karinova.
