Qazaqstanda "quityrqy" shemalardyń artynda tabysyn shetelde jasyrǵan yqpaldy tulǵalar tur. Bul týraly sybailas jemqorlyqqa qarsy qyzmettiń tóraǵasy Oljas Bektenov alqa otyrysy barysynda aitty, dep habarlaidy "Ult aqparat" Sputnik Qazaqstan agenttigine silteme jasap.
Onyń aitýynsha, jalpy quny 57 milliard teńge bolatyn 600-den asa temirjol memlekettik baqylaýǵa alynǵan.
"Áńgime "sońǵy shaqyrym" týraly. Shyǵyndy tikelei óteýden bólek, áleýmettik-ekonomikalyq áseri de bar. Mysaly temirjol tasymaldaýshylary úshin tarifter 14 ese – 2200 teńgeden 147 teńgege deiin tómendegen. Mundai "quityrqy" shemalar artynda kóbine "kóleńkeli" kiristerin shetelde jasyratyn yqpaldy tulǵalar turdy", - dedi Antikor basshysy.
Onyń aitýynsha, ekonomikalyq resýrstardy zańsyz shoǵyrlandyrýǵa jáne olardy memleket menshigine qaitarýǵa bailanysty isterdi tergeý erekshe baqylaýda. Qabyldanǵan sharalardyń nátijesinde memleketke 430 milliard teńge nemese shamamen 1 milliard dollar somasynda aktivterdi qaitarý qamtamasyz etildi.
Bektenov "ÓKM Operatorynyń" isi boiynsha 180 milliard teńgeden astam urlyqtyń aldyn alǵanyn, olar tolyqtai memleketke qaitarylyp, áleýmettik maqsattarǵa jumsalatynyn atap ótti.
Sondai-aq ol shetelge zańsyz áketilgen qarajat pen múlikti qaitarý úshin halyqaralyq yntymaqtastyqty nyǵaitý qajet ekenin jetkizdi.
Sybailas jemqorlyqqa qarsy qyzmettiń tóraǵasy Eýropa keńesi Qazaqstandy sybailas jemqorlyq úshin qylmystyq jaýapkershilik týraly konventsiiaǵa qosylýǵa shaqyrǵanyn aitty. Aldaǵy ýaqytta Respýblikada konventsiiaǵa qosylý boiynsha sharalar qabyldanbaq.
Bektenovtyń aitýynsha, qujatty ratifikatsiialaý aktivterdi qaitarý boiynsha respýblikanyń múmkindikterin keńeitýge múmkindik beredi.
