Foto ashyq derekkózden alyndy
Prezident Qasym-Jomart Toqaevqa úsh balanyń anasy joldaǵan hatty «Nemolchi» qoǵamdyq qozǵalysynyń negizin qalaýshy Dina Tańsári jariialady, dep habarlaidy Azattyq Ruhy portaly.
1962 jyly týǵan azamat eki uldyń týǵan, bir qyzdyń ógei ákesi eken. Úsheýi – kámeletke tolmaǵan.
«Ekinshi jyl qatarynan «barmaǵan jerim, baspaǵan taýym joq». 2021 jyldyń naýryzynda 2005 jylǵy qyzym habarlasyp, ógei ákesi B. anaiy is-áreketter jasaǵanyn aitty. Sol kúni politsiia keldi. Alaida eshqandai material jinalmady. Oǵan tek iske qatysy joq qorǵaý nusqamasyn berdi. Tek prokýratýraǵa aryz túsken soń ǵana qylmystyq is qozǵaldy. Advokattyń aitýy boiynsha, pedofiliia birden paida bolmaidy. Sol sebepti de úsh balany saraptamaǵa jiberdim. Onda uldardyń qorlyq kórgeni dáleldendi. Keiin ulym úide eshkim bolmaǵanda ákesiniń anaiy qylyqtary jaily aityp berdi», - deidi anasy.
Ol ataǵandai, balalardyń aitqany men aryz-ótinishterine qaramastan qylmystyq is 2021 jyldyń jeltoqsanynda toqtatylǵan.
Ashynǵan ana barlyq memlekettik instantsiia oqiǵa jaily bilgenimen, eshqandai is-áreket jasalmai otyrǵanyn aitqan.
«Meniń jaǵdaiymdy depýtat Platonov biledi, birneshe saýal joldady. Alaida nátije joq. Ombýdsmen Arýjan Sain da bul oqiǵa jaily biledi. Biraq áreketsiz. Adam quqyǵyn qorǵaý ortalyǵyna da habarlastym. Bul máseleni tek qoǵamdyq pikirtalas, daý ǵana sheship bere alady. Dina, sońǵy úmit sizde», - dep hat joldaǵan ol.
Hat jazǵan ananyń aitýynsha, B. esimdi azamattyń týysy - oblystardyń bireýindegi politsiia departamenti bastyǵynyń orynbasary. Onyń taǵy bir aǵasy Bas prokýratýrada prokýror bolyp isteidi eken. Jaqynda onyń ózi ultyq kompaniianyń birinde kommertsiialyq direktor qyzmetin atqarǵan. Sol úshin ádiletti jazaǵa tartý qiyn bolyp otyr, deidi ol.
