Sársenov Orazbek 1923 jyly 17 qazan kúni OQO Arys aýdanyndaǵy Baiyrqum eldi mekeninde dúniege kelgen. Mektepte alǵyr, óte zerek bolyp, 9 synypty 5 jylda támamdap shyqqan. Keiin Túrkistandaǵy kolledjdi pedagog mamandyǵy boiynsha aiaqtap, Baisaqal aýylyndaǵy mektepke muǵalim bolyp ornalasyp, bir jyldan keiin mekteptiń direktory bolyp taǵaiyndalady. Balalary er jetkesin, olardyń bolashaǵyna alańdaǵan Orazbek saýda jaǵyna aýysyp, ómiriniń sońyna deiin sol salada eńbek etken.
Orazbek kúishi 1969 jyly obyr aýrýynan qaitys bolǵan. Sol jyly kóktem kesh kelip, jetinshi mamyr kúni tańerteń balalaryna: «Dombyramdy berińdershi», - dep óziniń «Qyzylqum» kúiin shertip: - Osy salaly saýsaqtar da bir kúni topyraqta shiridi-aý! -degen eken. Bul sózderdi eshkim elemegen. 9 mamyr kúni saǵat 10 shamasynda ómirdi, balalaryn qimai kóz jumady.
Orazbek «segiz qyrly, bir syrly» azamat edi. Ózbekstannyń birinshi arnasynda aptasyna bir ret beriletin «Zamandas» mýzykalyq baǵdarlamaǵa 1967 jyly arnaiy shaqyrylyp, óziniń 7 kúiin jazdyryp keldi. Baǵdarlamanyń júrgizýshisi Myrsydyq Ustababaevtyń aitqan tilekteri jazylǵan. Orazbektiń kúileri men ólenderinde muńly, ósietke, jer men elge degen saǵynysh basym. Ómiriniń qysqa bolatynyn sezgendei
Orazbek qaiyrymdy, meiirimdi, óte keń adam bolǵan. Ásirese, jetim-jesirlerge qol ushyn berip, qolynan kelgen kómegin aiamaǵan.
Kúishiniń balalary da dombyra shertip án aitqanmen, óner jolyna túspegen. Kózi tirisinde balalaryna óleń jattatyp, dombyra tartqyzyp, ónerge baýlyǵan. Orazbektiń ańshylyq óneri de bolǵan. El áli esin jimaǵan ýaqytta ańǵa ketip, qoian, qyrǵaýyl, túlki atyp, búkil elge taratady eken.
Orazbek - uzyn boily, at jaqty kelgen, abyroily bolǵan. Óziniń qysqa ǵumyrynda ónerimen, jomarttyǵymen, adamgershiligimen jastarǵa úlgi bolǵan kúishi.
Jidelibaisyn kúi mektebiniń ókili, Orazbek kúishiniń urpaqtary ákeleleriniń kúi-amanatyn nasihattaý maqsatynda elimizdegi kúishiler arasynda baiqaý jariialaidy.
BAIQAÝDYŃ TALAPTARY:
1. V kontakte áleýmettik jelisindegi Kúlaina Orazbekqyzynyń https://vk.com/id366513476 paraqshasynda Orazbek kúishiniń jeti kúii berilgen. Kúishi mindetti túrde "Kúltir-Mamai" kúiin jáne qalǵan alty kúidiń bireýin óz talǵamyna qarai oryndaýy tiis. Kúishiler baiyrǵy quimaqulaq dástúrimen, kúilerdi estý arqyly alady.
2. Kúishi óziniń aty-jónin, qysqasha ómirbaianyn jazyp, kúilerdiń wafe nemese video nusqasyn sarsenova.001@mail.ru pochtasy men Whatsapp nomerine 10-shy jeltoqsanǵa deiin jiberýi kerek.
Baiqaý qorytyndysyn belgili kúishiler: Qazaqstannyń eńbek sińirgen qairatkeri, professor Janǵali Júzbai, Qurmanǵazy atyndaǵy QUK dotsenti, birneshe kúishiler konkýrsynyń laýreaty Murat Ábýǵazy jáne "Júsip" kúiiniń avtory, Júsip Sársenulynyń nemeresi Mádi Kóshikbaev shyǵarady. Jeńimpazdardy 2019 jylǵy jeltoqsannyń 16-y kúni Kúlaina Orazbekqyzy feisbýk paraqshasynda jariialaidy.
SYILYQ QORY:
BAS JÚLDE: - 200 000 tg
I-oryn: - 120 000 tg
II-oryn: - 80 000 tg
III-oryn: - 50 000 tg
Kúidiń MR3 nusqasy qajet deitinder redaktsiia alqasymen habarlasý kerek.
