Naýryz aiynda qutqarýshylardyń respýblikalyq oqý-jattyǵýy ótedi. Bul týraly QR Tótenshe jaǵdailar birinshi vitse-ministri Ibragim Kúlshimbaev aitty, dep habarlaidy QazAqparat.
«Naýryz aiynyń basynda sý tasqynyna ushyraý táýekeli joǵary óńirlerdiń (Pavlodar qalasy) birinde «Kóktem-2021» respýblikalyq komandaly-shtabtyq oqý-jattyǵýyn ótkizý josparlanyp otyr. Is-Shara azamattyq qorǵanys memlekettik júiesiniń biylǵy sý tasqynyn qaýipsiz ótkizýge daiyndyq deńgeiin anyqtaýǵa múmkindik beredi. Oqý-jattyǵý aiasynda naqty is-sharalar kesheni júzege asyrylady. Iaǵni, qar shyǵarylyp, ózender men arnalardyń ańǵarlary tazartylady», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, elimizdiń 10 óńirinde, atap aitqanda Aqmola, Aqtóbe, Jambyl, Almaty, Qaraǵandy, Qostanai, BQO, SQO, ShQO jáne Túrkistan oblystarynda 60-tan asa iri sý qoimalarynyń deńgeiin qadaǵalaý úshin apta saiyn monitoring júrgizilip otyr.
«Qazgidromet» respýblikalyq memlekettik kásipornynyń aldyn ala boljamdy derekteri boiynsha jalpy qar qorynyń kólemi elimizdiń Aqmola, Aqtóbe, Atyraý, Batys Qazaqstan, Qaraǵandy jáne Soltústik Qazaqstan oblystarynyń ózen basseinderindegi ylǵal qory ortasha kóp jyldyq deńgeiden tómen. Ózen basseinderinde qardyń jinalýy biylǵy jyldyń aqpan jáne naýryz ailaryna deiin jalǵasady», - dedi birinshi vitse-ministr.
Jalpy atalǵan ministrlik taratqan málimetke sáikes, Aqmola oblysy Sileti ózeni boiynsha ortasha kóp jyldyq deńgeii sheginde. Al, Qostanai oblysynda Toǵyzaq ózeni boiynsha ortasha kóp jyldyq deńgeiden joǵary. Sonymen qatar, Aqmola, Aqtóbe, Batys Qazaqstan, Qaraǵandy, Qostanai jáne Soltústik Qazaqstan oblystarynda topyraqtyń qatý tereńdiginiń kórsetkishi ótken jylǵydan ortasha eseppen 70 sm artyq.
