Seisenbi kúni elimizdiń basym bóliginde tsiklon áserinen naizaǵaily jańbyr nemese burshaq jaýýy múmkin, dep habarlaidy "Ult aqparat" Qazgidrometke silteme jasap.
Sinoptikterdiń boljaýynsha, 8 maýsymda elimizdiń basym bóliginde ońtústikten kelgen tsiklonǵa bailanysty atmosferalyq aǵyndardyń áserinen naizaǵaily jańbyr nemese kei jerlerde burshaq jaýýy múmkin. Respýblikanyń kei jerlerinde jel kúsheiip, ońtústikte shańdy daýyl soǵady, soltústikte tuman túsýi yqtimal.
Atyraý, Batys Qazaqstan, Qaraǵandy, Soltústik Qazaqstan, Almaty oblystarynda, kúndiz Aqmola oblysynyń kei jerlerinde jel 15-20 m/s kúsheiip, burshaq jaýýy múmkin, Batys Qazaqstan oblysynda daýyl jel soǵady, Soltústik Qazaqstan oblysynda túnde jáne tańerteń tuman túsýi yqtimal.
Jambyl, Túrkistan oblysynyń kei jerlerinde naizaǵai oinap, daýyl, shańdy daýyl soǵady, jel 15-20 m/s kúsheiip, kúndiz ekpini 25 m/s jetedi. Qyzylorda oblysynyń kei jerlerinde jel 15-20 m/s kúsheiip, ekpini 23-28 m/s jetedi, Túrkistan oblysynda daýyl, shańdy daýyl soǵýy múmkin.
Mańǵystaý, Aqtóbe, Shyǵys Qazaqstan oblystarynda, kúndiz Qyzylorda, Qostanai, Pavlodar oblystarynyń kei jerlerinde jel 15-20 m/s kúsheiedi, Qyzylorda oblysynda shańdy daýyl soǵýy múmkin.
Kúndiz Jambyl oblysynyń basym bóliginde qatty ystyq bolady.
Qyzylorda, Jambyl, Túrkistan, Aqtóbe, Qaraǵandy oblystarynyń basym bóliginde, Almaty, Atyraý, Qostanai, Aqmola oblystarynyń kei jerlerinde, Pavlodar, Shyǵys Qazaqstan oblysynyń jekelegen aýdandarynda óte joǵary órt qaýpi saqtalady.
