Almaty qalasy bas memlekettik sanitar dárigeri Jandarbek Bekshinniń qaýlysyna sáikes, halyqqa qyzmet kórsetý ortalyqtary 25 naýryzdan bastap klientterdi tek aldyn ala jazylý boiynsha saǵat 09:00-den 18:00-ge deiin qabyldaidy. Bul týraly «Azamattarǵa arnalǵan úkimet» memlekettik korporatsiiasy Almaty qalasy boiynsha filialy málim etti, dep habarlaidy "Ult aqparat".
Kezekke egov.kz portaly, egov mobile, telegram-bot egovkzbot2.0 (@kenes1414bot) qosymshalary arqyly onlain, sondai-aq 1414 bailanys ortalyǵyna qońyraý shalý arqyly tapsyrys berýge bolady.
Qyzmet alýshy brondaý kezinde óziniń jeke derekterin kórsetip, óńirdi, HQO bólimin, kelý ýaqyty men kúnin tańdaý qajet.
«Almatylyqtar brondaý kezinde eger kópbalaly otbasylar, zeinetkerler nemese múgedektigi bar adamdar sanatyna jatatyn bolsa, jeńildik terezesin kórsete alady. Sondai-aq, eger HQO-da bir ýaqytta birneshe memlekettik qyzmet túrin rásimdeý qajet bolsa, kóterme terezeni tańdaýǵa bolady. Azamattarǵa arnalǵan úkimettiń filialy HQO-ǵa brondalǵan ýaqyttan 10-15 minýt buryn kelýdi jáne barlyq sanitarlyq talaptardy saqtaýdy usynady. Sanitarlyq dárigerdiń qaýlysy boiynsha senbi kúnderi halyqqa qyzmet kórsetý ortalyqtary jumys istemeidi» delingen habarlamada.
