Arqalyq qalasynda qus fabrikasyndaǵy jaǵdaiǵa bailanysty Rodina aýyly karanting jabyldy, dep habarlaidy "Ult aqparat" Oblystyq veterinariia basqarmasyna silteme jasap.
Buǵan deiin Arqalyq qalasyndaǵy qus fabrikasynda 300 myńǵa jýyq qus qyrylyp qalǵanyn jazǵan edik. Soǵan bailanysty fabrika ornalasqan Rodina aýylynda da karantin jariialandy. Qazir qus fabrikasyndaǵy ólgen qustar órtelip, dezinfektsiialaý jumysy júrip jatyr. Rodina aýylynyń shekarasyna tosqaýyl beketi qoiyldy. Kirgen-shyqqan turǵyndar qadaǵalaýǵa alynyp, jergilikti turǵyndarǵa túsindirý jumysy júrip jatyr. Karantin aimaǵynan qus eti men jumyrtqa alyp shyǵýǵa tyiym salyndy.
Qazir qaladaǵy «Agrointerqus» fabrikasynda 500 myńnyń ústinde qus bar. Mundaǵy qyrylǵan qustardy órteý, dezinfektsiialaý barysy Aýyl sharýashylyǵy ministrligine qarasty aýmaqtyq inspektsiianyń baqylaýymen júrgizilýde. Bul jumystardy Qostanai oblysynda ornalasqan respýblikalyq epizotiialyq otriadtyń filialy atqaryp jatyr.
