2020 jylǵy 11 qyrkúiektegi Úkimet qaýlysymen elimizdegi áskeri kadrlardy daiarlaityn biregei bilim ordasy – Qurlyq áskerleriniń áskeri institýtyna armiia generaly Saǵadat Nurmaǵambetovtiń esimi berildi, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Saǵadat Qojahmetuly Nurmaǵambetov – Táýelsiz Qazaqstannyń Tuńǵysh Qorǵanys ministri, Keńes Odaǵynyń Batyry, eń alǵashqy Halyq Qaharmany. Ol Ekinshi Dúniejúzilik soǵys jyldarynda dańqty jaýyngerlik jolyn Berlinde aiaqtaǵan.
Keńes odaǵy kezinde M.I. Frýnze atyndaǵy Áskeri akademiiany bitirgennen keiin ol túrli shtabtyq jáne komandalyq laýazymdarda, Vengriiadaǵy Ońtústik top áskerleri qolbasshysynyń birinshi orynbasary qyzmetterin atqardy. Táýelsiz Qazaqstan armiiasynyń qalyptasýy men damýynyń aldyńǵy shebinde boldy.
Biyl áskeri joǵary oqý orny jarty ǵasyrlyq mereitoiyn atap ótti. Osy ýaqyt ishinde Qurlyq áskerleriniń Áskeri institýty 13 myńnan astam ofitserdi daiarlap shyǵardy. Olardyń ishinde 80-nen astam túlek Qazaqstanda da, sondai-aq shet memleketter de general shenin iemdengen.
