El astanasyndaǵy epidemiologiialyq jaǵdaidyń qubylýyna bailanysty Ramazan aiynda quran oqytý men neke qiǵyzý tártibi ózgeriske ushyrady, dep habarlaidy "Ult aqparat".
Nur-Sultan qalasynyń Bas imamy Erbolat Júsipov Ramazan Ramazan aiynda eolrda meshitterinde quran baǵyshtaý rásimderi qalai iske asatynyn aitty.
«Quran oqytýǵa kelgen kezde áleýmettik ara qashyqtyq saqtalýy kerek. Bizde arnaiy bólmeler bar. Ol bólmedegi kelýshilerdiń sany 10 adamnan aspaýy qajet. Olardyń arasyndaǵy qashyqtyq ta óte mańyzdy. Quran oqyýshy dini qyzmetker men kelgen jamaǵatta da betperdeniń bolýy mindetti. Sonymen qatar, quran oqityn bólmelerdiń aldynda arnaiy sanitarlyq tazalaǵysh zattar turady. Solardy mindetti túrde qoldanýymyz kerek. Quran oqityn bólme ár 3 saǵat saiyn esik-terezesi ashylyp, tazartylyp turýy kerek. Bul talaptar jergilikti bas sanitarlyq dárigerdiń sheshimi boiynsha ózgerip otyrady. Jeke namazǵa kelýshi adamǵa da, quran oqytýshy adamǵa da bas sanitardyń sheshimine súienip jaǵdai jasalady», - dedi qalanyń Bas imamy.
Dini qyzmetkerdiń aitýynsha, neke qiǵyzýǵa kelgen adamdarǵa qoiylatyn talap ta osyǵan uqsas.
«Neke bólmesine tek neke qidyratyn eki jas pen kýágerdiń kirýi ǵana qamatamasyz etiledi. Mundai sátte jastardyń jaqyndary qýanyshty jaǵdaiǵa qatysqysy keletini túsinikti . Biraq qazirgi jaǵdaidy eskerý kerek. Nekesin qiǵyzýshylardyń arasynda da 2 metr qashyqtyq bolý kerek. Neke qiyp bolǵan soń meshitten tezirek shyǵyp ketýge keńes beremiz. Neke zaly da ár 3 saǵat saiyn zalalsyzdandyrylyp, tazalanyp turýy kerek», - dedi Erbolat Júsipov.
