Zertteý jumystary rýhani tárbieni negizge alǵan bilim oryndary akademiialyq jaǵynan da jetistikke jetip otyr. Bul týraly «Rýhani damý jáne ulttyq dástúrlerdi saqtaý» taqyrybynda ótken dóńgelek ústelde «Bilim innovatsiia» Halyqaralyq qorynyń prezidenti Darhan Óte aitty, dep habarlaidy QazAqparat.
«Biz óz kontseptsiiamyzdy «qundylyqtarǵa negizdelgen mektep» dep berip otyrmyz. Bul oidyń negizgi túiini: Elbasymyz «Rýhani jańǵyrý: bolashaqqa baǵdar» maqalasynda aityp ótkendei, ulttyq qundylyqtarymyzdyń tozyq jaǵynan qalai bas tartyp, ozyq jaǵyn qalai jandandyratynymyz týraly mamandarmen aqyldasyp, bilim-innovatsiia litseilerinde 30 jyl boiy jasap kele jatqan tárbie jumystaryn zerdelep, osy másele halyqaralyq deńgeide qalai júrip jatqanyn zerttep, QR Bilim jáne ǵylym ministrine osy kontseptsiiany usyndyq. Bul kontseptsiia bilim men ǵylymdy damytýdyń bes jyldyq josparyna kirgizildi», - deidi Darhan Óte.
Onyń aitýynsha, zertteý jumystary rýhani tárbieni negizge alǵan bilim oryndary akademiialyq jaǵynan da jetistikke jetip otyrǵandaryn dáleldep otyr.
«HHI ǵasyr jastaryna qandai daǵdy, qabilet qajet? Eń aldymen erkin oilana alatyn, rýhy, sanasy azat, adamgershilik, meiirimdilik, otansúigishtik siiaqty qundylyqtardy boiyna sińirgen, zamanaýi bilimdi, HHI ǵasyrǵa sai, álem azamatyna sai daǵdylardy boiyna sińirgen azamattardy daiyndap shyǵarý - barlyq otbasy, barlyq bilim berý oryndary men qoǵamnyń basty máselesi. Biz litseilerde 18 qundylyqty tańdap, bastaýysh, orta, joǵary synyptarǵa ádistemelik kitap daiyndap shyqtyq. Qazirgi urpaq ámir berip sóilesýdi qabyldamaidy, olarmen teń dárejede sóilesý kerek. Ár aida bir qundylyqty dáripteimiz. Mysaly, osy aidaǵy taqyryp «meiirimdilik» bolsa - sabaq josparyna kirgizip, sabaq ústinde osy taqyrypqa toqtalyp ótý kerek. Ár pán muǵalimi ómirden mysaldar keltire otyryp oqýshynyń sanasyna áser etýi kerek», - deidi ol.
