"Qazgidromet" RMK sinoptikteri 6-8 qarashaǵa arnalǵan aýa raiy boljamyn usyndy, - dep habarlaidy "Ult aqparat".
Sinoptikter málimetinshe, demalys kúnderi antitsiklon áserinen Qazaqstannyń basym bóliginde qurǵaq jáne jaima-shýaq aýa raiy qalyptasady. Bul rette antitsiklon temperatýranyń birtindep kóterilý úrdisin saqtap qalady. Tek 7-8 qarashada Soltústik-Batys tsiklon áserinen Qazaqstannyń batys óńirlerine jańbyr men qar túrinde jaýyn-shashyn bolady.
"Batysta aýa temperatýrasy túnde 5 gradýs aiaz 5 gradýs jyly, kúndiz 5-15 gradýs jyly, soltústikte, soltústik-batysta, ortalyqta jáne respýblikanyń shyǵysynda aýa temperatýrasy túnde 3-11 gradýs, kúndiz 1-8 gradýs jyly, elimizdiń ońtústiginde túnde 1-10 gradýs, kúndiz 3-12 gradýs jyly, ońtústik-shyǵysta túnde 5-15 gradýs, kúndiz 3 gradýs aiaz - 8 gradýs jyly bolady", - delingen habarlamada.
