Almaty tehnologiialyq ýniversitetinde «Jastar jylyna» arnalǵan jáne Elbasy N.Á.Nazarbaevtyń «Bolashaqqa baǵdar: rýhani jańǵyrý» atty baǵdarlamalyq maqalasy aiasynda jastardyń bos ýaqytyn tiimdi ótkizý jáne mádeni demalysty uiymdastyrý maqsatynda jyl saiynǵy dástúr boiynsha "Kún men Ai" megajobasy ótti.
Baiqaýdyń basty maqsaty – stýdent pen oqytýshynyń arasyndaǵy yntymaqtasty nyǵaita otyryp, ózara rýhani bailanysyn arttyrý. Stýdentter men oqytýshylar asyǵa kútip, jarysa daiyndalatyn bul sharanyń úzdikteri 6 baǵyt boiynsha baǵalandy. Atap aitsaq, halyq áni, zamanaýi án, aspaptyq janr, ulttyq bi, zamanaýi bi jáne teatrlandyrylǵan kórinis.
Sazdy saiystyń uiymdastyrýshylary – Jastar saiasaty men mádeni buqaralyq jumys bólimi.
«Kún men Ai» megajobasy - 2011 jyldan beri tek qana Almaty tehnologiialyq ýniversitetinde uiymdastyrylyp keledi. Bul baiqaýǵa kelgen árbir qonaq sazdy saiystan soń oi sergitip, kóńil kóterip, keremet ásermen qaitady. Jeńimpazdardy arnaiy shaqyrylǵan qonaqtardyń ishindegi ádilqazylar anyqtady. Atap aitsaq, «SHINE PRODUCTION» ánshisi Jarqynai Hanaiym, aktrisa, «Baqytsyzdar baǵy» kinosynda basty róldi somdaǵan Áigerim Qalmuratova, jas aktior, «Baqytsyzdar baǵy» kinosynda Daniiar rólin somdaǵan Erkebulan Toqtar, «Jigit sultany – 2018» baiqaýynyń jeńimpazy Shymyr Raiymbergenov, «Tumar» bi ansambliniń jetekshisi Baný Turǵymbaeva jáne «Alpha Academy» til kýrsynyń direktory Baqnur Ziiabekov boldy. Sondai-aq, baiqaýǵa basty demeýshi bolǵan - «Alpha Academy» til kýrsy jeńimpazdar men qatysýshylarǵa arnaiy sertifikattar tabystady.
Sonymen, ádilqazylar alqasynyń sheshimi boiynsha «Úzdik ujym-2019» ataǵyn taǵam óndiristeri fakýlteti ielendi. Al basqa baǵyttar boiynsha qatysýshylar tómendegidei nátije kórsetti.
«Zamanaýi án»
1-oryn: Taǵam óndiristeri fakýlteti;
2-oryn:Jeńil ónerkásip jáne dizain fakýlteti;
3-oryn: Ekonomika jáne biznes fakýlteti;
«Halyq áni»
1-oryn:Taǵam óndiristeri fakýlteti;
2-oryn: Texnologiialyq-ekonomikalyq kolledji;
3-oryn:Injiniring jáne aqparattyq texnologiialar fakýlteti;
«Zamanaýi bi»
1-oryn:Taǵam óndiristeri fakýlteti;
2-oryn:Jeńil ónerkásip jáne dizain fakýlteti;
3-oryn:Injiniring jáne aqparattyq texnologiialar fakýlteti;
«Aspaptyq janr»
1-oryn:Injiniring jáne aqparattyq texnologiialar fakýlteti;
2-oryn: Texnologiialyq-ekonomikalyq kolledji;
3-oryn:Taǵam óndiristeri fakýlteti;
«Ulttyq bi»
1-oryn: Taǵam óndiristeri fakýlteti;
2-oryn:Injiniring jáne aqparattyq texnologiialar fakýlteti;
3-oryn:Texnologiialyq-ekonomikalyq kolledji;
«Teatrlandyrylǵan kórinis»
1-oryn: Texnologiialyq-ekonomikalyq kolledji;
2-oryn:Injiniring jáne aqparattyq texnologiialar fakýlteti;
3-oryn: Taǵam óndiristeri fakýlteti.
Bul jeńis – stýdentter men oqytýshylardyń erekshe daiyndyǵynyń jemisi. Jeńimpazdarǵa baǵyndyrar belesterińiz ben alar asýlaryńyz kóp bolsyn degen tilek bildiremiz!
