Foto: Astana qalasynyń prokýratýrasy
Qumar oiyndarǵa áýes bolǵan alaiaq-býhgalter kazinoda shamamen 400 mln. teńgege utyldy. Bul týraly Astana qalasynyń prokýratýrasynyń baspasóz qyzmeti jazdy.
Qumar oiyndarǵa jeńil jolmen aqsha salý maqsatyndat alaiaqtyq jolǵa túsken Astana turǵyny Sot úkimimen 5 jylǵa bas bostandyǵynan aiyryldy.
Shahardaǵy JShS-lardyń birinde býhgalterlik qyzmet atqarǵan kináli áiel mekeme ielerine shet elge tiimdi investitsiialar salý týraly jalǵan aityp, olardy aldaý arqyly 385,9 mln. teńgeden astam qarajatyn iemdengen.
«Sottalǵan adam urlanǵan aqshanyń basym bóligin kazinoda utylǵan. Is boiynsha qatysqan memlekettik aiyptaýshy sottalýshynyń kinásin dáleldedi» - delingen habarlamada.
Sot úkimi zańdy kúshine endi.
Astana qalasynyń prokýratýrasy azamattardy aqylǵa shaqyra otyryp, teris beiimdilikke barmaýdy eskertedi.
