Foto: TJM
Atyraý oblysyndaǵy sý tasqyny órt sóndirýshiniń ómirin qidy, dep habarlady Tótenshe jaǵdailar ministrligi.
"29 mamyrda Jyloi aýdanynyń Qulsary qalasynda sý sorý boiynsha avariialyq-qutqarý jumystaryn júrgizý barysynda Atyraý oblysy TJD №1 mamandandyrylǵan órt sóndirý bóliminiń bólimshe komandiri Beibarys Jalǵasbaiuly Raqym qaitys boldy", - dep jazylǵan habarlamada.
Qaza bolǵan azamattyq qorǵaý serjanty 2001 jyly týǵan.
Oqiǵanyń mán-jaiy anyqtalyp jatyr.
Tótenshe jaǵdailar ministrligi Beibarys Jalǵasbaiulynyń týystary men jaqyndaryna kóńil aitty.
"Ol óz isiniń kásibi mamany retinde esimizde máńgi qalady", - dep atap ótti vedomstvo.
TJM qaza tapqan órt sóndirýshiniń otbasyna jan-jaqty kómek pen qoldaý kórsetedi.
