SOVID-19 dúnieni dúr silkindirdi. Álemdi álekke salǵan keselmen kúres barlyq shepte júrip jatyr.
Álemniń túkpir-túkpirinen úreili statistikalar kelip jatqanymen, kei halyq bul qiyndyqqa moiymaitynyn erekshe jolmen kórsetip keledi. Máselen koronavirýs qaýpi jaǵynan eń joǵary sanatqa engen Italiiadan balkonda án shyrqaǵan azamattardyń videosy tarap ketti.
Sáýleti men dáýleti jarasqan memlekettiń azamattary óz halqyn da, álem elderin de osylai jigerlendirip jatqandai. Balkonda án shyrqaý – Italiiada búgin de fleshmobqa ainalyp, halyqtyń ózi bastap ketken aktsiiaǵa myńdaǵan azamat atsalysýda.
Án demekshi italiialyqtardai bizdiń eldiń de ónerpazdary da «Koronavirýs ket, ket» dep án shyrqap, kóptiń kóńilin kóterip júr.
Bir qyzyǵy, osy ándi shyrqap bastaǵan elimizge belgili ánshi Marat Omarovtyń bastamasyn ózge juldyzdar da qoldap ketipti. Qaýipti kesel jaily kóńildi ánniń remiksi de shyǵyp qoiǵan eken.
Ánmen birge bimen de kóptiń kóńilin aýlaǵandar bar. Esterińizde bolsa Qytaidaǵy qandasymyz - Shyńjańnan Ýhanǵa kómekke barǵan tájiribeli dáriger-hirýrg Bahargúl Tolqynqyzy koronavirýstan emdelip jatqan naýqastarǵa qazaqtyń «Qara jorǵa» biin bilep bergen edi. Osy mádeni sharany tamashalaǵan adamdar «Qara jorǵa» biin tuńǵysh kórgenderin jáne erekshe biden úlken áser alǵandaryn aityp, alǵystaryn bildirgen.
Al Ispaniia astanasy Madridte turǵyndar meditsinalyq qyzmetkerlerge uzaǵynan qol shapalaqtap, úlken qoldaý bildiripti. Balkondarynan shyǵyp, «bravo» dep aiǵailaǵan halyq aq halatty abzal jandarǵa alǵystaryn osylai bildiripti.
Koronavirýsqa qatysty internette ártúrli memder men ázilder tarap ketken. Mine álem halqy osylaisha bul qiyndyqty da eńserip keledi.
