Qazaqstannyń Syrtqy ister ministrliginde elde akkredittelgen sheteldik diplomatiialyq korpýstyń ókilderine QR Bas prokýrorynyń orynbasary Bolat Dembaev pen QR Ishki ister ministriniń orynbasary Qairat Sóntaevtyń qatysýymen qańtar aiyndaǵy oqiǵalardy tergeý barysy týraly birlesken brifing ótkizildi, dep habarlaidy "Ult aqparat" vedomstvonyń baspasóz qyzmetine silteme jasap.
Ministrlik málimetinshe, spikerler brifingke qatysýshylarǵa qylmystyq isterdi obektivti tergeýdi qamtamasyz etý jáne ustalǵan azamattardyń quqyqtaryn qorǵaý úshin qabyldanyp jatqan sharalar týraly egjei-tegjeili aqparat berdi.
Shara barysynda qańtar oqiǵalarynyń derekti kadrlary kórsetildi.
Diplomattardyń nazary oqiǵalardyń hronologiiasyna jáne qylmystyq toptardyń, ekstremisterdiń jáne terroristerdiń qatysýymen beibit mitingti bilikti basyp alý áreketin qamtyǵan olardyń erekshe gibridti formasyna aýdaryldy.
Tergeý is-áreketteri barysynda ustalǵan azamattardyń zańdy quqyqtary men bostandyqtaryn qorǵaý úshin qabyldanatyn sharalarǵa kóńil bólindi.
Adam quqyqtarynyń yqtimal buzylýy týraly, onyń ishinde BAQ-ta jariialanatyn barlyq habarlamalardy prokýratýra organdary tekseredi.
«Árbir fakt tiisti quqyqtyq baǵa berýimen muqiiat tekseriledi», – dep atap ótti B. Dembaev.
Bul máselede QR Adam quqyqtary jónindegi ýákilimen, Azaptaýlardyń aldyn alý jónindegi ulttyq aldyn alý tetiginiń qatysýshylarymen, Ulttyq qoǵamdyq senim keńesimen tyǵyz ózara is-qimyl jasalǵany atap ótildi.
«Olardyń yqtimal qatygez qarym-qatynas jaǵdailaryn jáne meditsinalyq kómek kórsetpeý faktilerin tekserý maqsatynda izoliatorlarǵa baryp, ustalǵan adamdarmen kezdesýge tolyq ruqsaty bar» dep kórsetildi.
Is-shara sońynda Bas prokýratýra men IIM ókilderi brifingke qatysýshylardyń suraqtaryna jaýap berdi.
Sheteldik diplomattar tergeý is-sharalary týraly mazmundy aqparat alý múmkindigi úshin alǵys aityp, qańtar oqiǵalaryna obektivti tergeý júrgizýge baǵyttalǵan sharalardy qoldady.
Sondai-aq, brifingke beinebailanys arqyly Qazaqstan Respýblikasynyń sheteldik mekemeleriniń basshylary qatysty.
