Týystarynyń qaza bolýyna bailanysty qaiǵyly oqiǵadan keiin taǵdyry kópshilikke belgisiz bolyp kelgen Aqbaian Muqanǵalieva Atyraýdaǵy Psihikalyq densaýlyq ortalyǵynda em qabyldaǵan. Qazir ol aýrýhanadan shyǵyp, balalarymen alǵash ret kezdesken, dep habarlaidy ult.kz.
Tengrinews.kz dereginshe, Aqbaian Muqanǵalieva Atyraý oblystyq psihikalyq densaýlyq ortalyǵynda emdelgen. Onyń jaǵdaiy týraly Atyraý oblystyq Kámeletke tolmaǵandardy beiimdeý ortalyǵynyń direktory Qundyz Ǵiniiatova málimdedi.
Onyń aitýynsha, Muqanǵalieva emdeý kýrsynan keiin aýrýhanadan shyqqan. Alaida áieldiń emi áli de jalǵasýy múmkin. Týystarynyń sózinshe, ol psihikalyq densaýlyq ortalyǵyna taǵy 10 kúnge jatýdy josparlap otyr.
Muqanǵalieva balalarymen ótken aptada alǵash ret júzdesken. Birneshe kúnnen keiin ortalyqqa qaita kelgen. Eki jaǵdaida da onyń janynda anasy men týystary bolǵan.
«Ol balalaryna alǵash ret ótken aptada keldi. Bir-eki kún buryn ekinshi ret kelip, aýrýhanaǵa taǵy on kúnge jatatynyn aitty. Eki ret te anasy týystarymen birge keshki ýaqytta, jumys ýaqyty aiaqtalǵannan keiin kelgen. Birinshi ret shamamen 19:30-da, ekinshi ret 20:30 shamasynda boldy», – dedi Qundyz Ǵiniiatova.
Mekeme qyzmetkerleri anasynyń balalarymen sóilesýine múmkindik bergen. Ortalyq direktorynyń aitýynsha, Muqanǵalieva balalaryn uzaq ýaqyt kórmegendikten, onymen kezdesýge ruqsat bergen.
«Onyń kelmegenine kóp bolǵandyqtan, balalarymen júzdesýge ruqsat berdik. Betin qaitara almadyq. Balalaryn kórsin, olar da anasyn kútip júr ǵoi», – dedi ol.
