تۋىستارىنىڭ قازا بولۋىنا بايلانىستى قايعىلى وقيعادان كەيٸن تاعدىرى كٶپشٸلٸككە بەلگٸسٸز بولىپ كەلگەن اقبايان مۇقانعاليەۆا اتىراۋداعى پسيحيكالىق دەنساۋلىق ورتالىعىندا ەم قابىلداعان. قازٸر ول اۋرۋحانادان شىعىپ, بالالارىمەن العاش رەت كەزدەسكەن, دەپ حابارلايدى ult.kz.
Tengrinews.kz دەرەگٸنشە, اقبايان مۇقانعاليەۆا اتىراۋ وبلىستىق پسيحيكالىق دەنساۋلىق ورتالىعىندا ەمدەلگەن. ونىڭ جاعدايى تۋرالى اتىراۋ وبلىستىق كەمەلەتكە تولماعانداردى بەيٸمدەۋ ورتالىعىنىڭ ديرەكتورى قۇندىز عينيياتوۆا مەلٸمدەدٸ.
ونىڭ ايتۋىنشا, مۇقانعاليەۆا ەمدەۋ كۋرسىنان كەيٸن اۋرۋحانادان شىققان. الايدا ەيەلدٸڭ ەمٸ ەلٸ دە جالعاسۋى مٷمكٸن. تۋىستارىنىڭ سٶزٸنشە, ول پسيحيكالىق دەنساۋلىق ورتالىعىنا تاعى 10 كٷنگە جاتۋدى جوسپارلاپ وتىر.
مۇقانعاليەۆا بالالارىمەن ٶتكەن اپتادا العاش رەت جٷزدەسكەن. بٸرنەشە كٷننەن كەيٸن ورتالىققا قايتا كەلگەن. ەكٸ جاعدايدا دا ونىڭ جانىندا اناسى مەن تۋىستارى بولعان.
«ول بالالارىنا العاش رەت ٶتكەن اپتادا كەلدٸ. بٸر-ەكٸ كٷن بۇرىن ەكٸنشٸ رەت كەلٸپ, اۋرۋحاناعا تاعى ون كٷنگە جاتاتىنىن ايتتى. ەكٸ رەت تە اناسى تۋىستارىمەن بٸرگە كەشكٸ ۋاقىتتا, جۇمىس ۋاقىتى اياقتالعاننان كەيٸن كەلگەن. بٸرٸنشٸ رەت شامامەن 19:30-دا, ەكٸنشٸ رەت 20:30 شاماسىندا بولدى», – دەدٸ قۇندىز عينيياتوۆا.
مەكەمە قىزمەتكەرلەرٸ اناسىنىڭ بالالارىمەن سٶيلەسۋٸنە مٷمكٸندٸك بەرگەن. ورتالىق ديرەكتورىنىڭ ايتۋىنشا, مۇقانعاليەۆا بالالارىن ۇزاق ۋاقىت كٶرمەگەندٸكتەن, ونىمەن كەزدەسۋگە رۇقسات بەرگەن.
«ونىڭ كەلمەگەنٸنە كٶپ بولعاندىقتان, بالالارىمەن جٷزدەسۋگە رۇقسات بەردٸك. بەتٸن قايتارا المادىق. بالالارىن كٶرسٸن, ولار دا اناسىن كٷتٸپ جٷر عوي», – دەدٸ ول.
