Foto: gov.kz
Qyrǵyzstannyń Áskeri prokýratýrasy qazaqstandyq general Serik Kúdebaevtyń shekaradan zańsyz ótýine qatysty qylmystyq iste tergeýmen ainalysyp jatyr. Bul týraly 24.kg basylymyna quqyqqorǵaý organdaryndaǵy derekkózder habarlaǵan, - dep jazady Tengrinews.kz saity.
Almaty oblysy Politsiia departamentiniń eks-basshysy Qazaqstan-Qyrǵyzstan shekarasynan zańsyz ótken. Basylym málimetinshe, boljam boiynsha baqylaý-ótkizý pýnktiniń birinde shekara qyzmetiniń áskeri qyzmetshisi onyń Qyrǵyzstan aýmaǵynda bolýyn zańdastyrǵan.
"Artynsha Kúdebaev "Manas" áýejaiy arqyly Túrkiiaǵa ushyp ketken. Áskeri prokýratýra zańsyz kóshi-qon deregi boiynsha qylmystyq is qozǵady. Qazir bul is boiynsha tórt adam ótip jatyr. Olar Bishkektiń tergeý izoliatoryna qamaldy. Aldyn ala aqparat boiynsha, qatysýshylardyń biri - áskeri qyzmetshi, qalǵan ustalǵandar qarapaiym azamattar", - delingen habarlamada.
Aita keteiik, byltyr sáýirde birneshe aimaqtaǵy Politsiia departamentteri men UQK basshylary qańtardaǵy tártipsizdik boiynsha kúdikti dep tanyldy. Eki aptadan keiin IIM basshysy Serik Kúdebaevty qyzmetinen bosatty. Sodan keiin onyń óz erkimen ketkeni týraly habarlandy. Al mamyrda qańtar oqiǵasy boiynsha kúdiktiler tiziminde Kúdebaev ta bar ekeni belgili boldy.
Sondai-aq, biyl 5 qańtarda Májiliste Almaty oblysy PD bastyǵy Serik Kúdebaev túsip qalǵan video kórsetildi. Kadrlarda ol qarýly kúzetpen ózi kúzetýi qajet bolǵan departament ǵimaratynan ketip bara jatady.
28 sáýirde Kúdebaevqa sot úkimi shyqty. Jetisý oblystyq soty málimetinshe, Serik Kúdebaev 10 jylǵa bas bostandyǵynan aiyryldy. Ol jazasyn ortasha qaýipsiz mekemede óteidi.
