Sybailas jemqorlyqqa qarsy kúres agenttiniń apparat basshysy Qýanysh Japaqov memlekettik organ basshylaryn qoǵamǵa arqa súiep jumys isteýge shaqyrdy, dep habarlaidy QazAqparat.
Agenttik ókiliniń aitýynsha, memlekettik organdardyń janynan ashylǵan Adaldyq alany jobalyq keńseleri memlekettik qyzmettiń sapasyn jańa deńgeige kótergen.
«Búginde árbir oblystyq ákimdik janynan jáne ministrlikter janynan Adaldyq alany jobalyq keńseleri ashylǵan. Eki jyldyń ishinde bul keńseler jemqorlyqqa qarsy aýqymdy qozǵalys deńgeiine jetip otyr. Tipti turmystyq deńgeidegi sybailas jemqorlyqqa qarsy kúrestiń jalpyulttyq brendine ainaldy deýge bolady. Osy idiaeianyń aiasynda memlekettik organdar aýqymdy túrdi transformatsiiaǵa tústi. Qazir memorgandarda qyzmet kórsetýdiń servistik modeli jumys istep tur. Nátijesinde túrli deńgeidegi 300-den astam servistik ákimdik, 2000-nan astam kedergisiz front keńse ashyldy», - dedi Qýanysh Japaqov.
Ol, sondai-aq, budan bylai memlekettik organdardyń tabysty jumys isteýi qoǵamnyń qanshalyqty qoldaitynyna bailanysty bolady degen oi aitty.
«Memlekettik organdardyń basshylary myna bir aqiqatty túsinýi kerek. Qoǵamnyń qoldaýynsyz tabysqa jetý múmkin emes. Álem endi ózgermeidi. Búgin bárimiz ashyq jaǵdaida qalyp otyrmyz. Burynǵydai qoǵamnan, BAQ-tan jabyq bolý múmkin emes. Bizdiń agenttik quqyq qorǵaý organy retinde áldeqaida konservativti bolýymyz kerek edi. Biraq biz kerisinshe tolyq bailanysqa esik ashyp otyrmyz. Osy arqyly óz úlgimizde basqasha jumys isteýge bolmaitynyn kórsetkimiz keledi», - dedi agenttik ókili elordada ótken seminar keńeste.
