Qazaqstanda 5G tehnologiiasyn testileý barysynda birqatar problema anyqtaldy. Bul týraly búgin Úkimet otyrysynda «Qazaqtelekom» AQ basqarmasynyń tóraǵasy Qýanyshbek Esekeev aitty, dep habarlaidy QazAqparat.
«Qazaqstanda 5G tehnologiiasyn testileý barysynda mynadai problemalar anyqtaldy. Birinshiden, qazirgi ýaqytta 5G jelileri úshin Almaty, Nur-Sultan, Shymkent qalalarynda 3,5GGts diapazonynda eni 100MGts bos tutas spektr joq. Retteýshi bailanys operatorlarymen jáne QR Qorǵanys ministrligimen birlesip, 5G jelileri úshin Almaty, Nur-Sultan, Shymkent qalalarynda 3,5GGts diapazonynda eni 100MGts kem emes tutas spektrdi bosatý jumysyn júrgizý qajet», - dedi ol.
Ekinshiden, onyń aitýynsha, operatorlardy yntalandyrý maqsatynda 5G boiynsha radiojiilik spektory (RJS) úshin jyl saiynǵy tólemniń mólsherlemesin qaita qaraý kerek. RJS úshin qazirgi mólsherleme kezinde operatorǵa 5G boiynsha 100 MGts RJS-ke jyl saiyn qosymsha 9,8 mlrd teńge tóleý qajet. 2020-2024 jyldarǵa 0 teńge deńgeiinde 5G boiynsha RJS úshin jyl saiynǵy tólem boiynsha mólsherlemeni bekitý kerek.
«Úshinshiden., operatorlardy yntalandyrý maqsatynda 5G boiynsha RJS úshin birjolǵy mólsherlemeni qaita qaraý kerek. Jiilikterdi bólý vedomstvoaralyq komissiianyń (JBVK) aǵymdaǵy tásili kezinde operator 5G boiynsha 100 MGts RJS úshin shamamen 200 mlrd teńge tóleý kerek bolady. 0 teńgege 5G úshin 100 MGts RJS berý jaiyn JBVK-men pysyqtaý qajet. Tórtinshiden, operatorlar retteýshimen birlesip, 5G biryńǵai infraqurylymdyq operatordyń amal-tásilderin qarastyrýy tiis. Óitkeni 5G úshin jiilikter shekteýli jáne 5G jelileri úshin kapitaldy qajet etetin infraqurylym qajet», - dedi Q.Esekeev.
