Foto: Anatili.kz
Búgin belgili jazýshy, Qazaqstannyń eńbek sińirgen qairatkeri, halyqaralyq «Alash» ádebi syilyǵynyń iegeri, Qazaqstannyń qurmetti jazýshysy Qýandyq Túmenbai 70 jasqa toldy, dep habarlaidy Ult.kz.
Qyzylorda oblysy, Shieli aýdanynda dúniege kelgen qalamger qazaq ádebieti men jýrnalistikasyna eleýli eńbek sińirdi. Ol «Jas Alash», «Jalyn», «Juldyz», «Jetisý», «Almaty aqshamy», «Aqiqat» jáne basqa da basylymdarda túrli jaýapty qyzmet atqardy. Sonymen qatar, QR Baspasóz jáne buqaralyq aqparat ministrliginde, «Qazaqstan» baspasynda jáne joǵary oqý oryndarynda eńbek etti.
Qýandyq Túmenbaidyń otyzdan asa prozalyq jáne pýblitsistikalyq eńbekteri jaryq kórgen. Onyń shyǵarmalary birneshe álem tilderine aýdarylyp, halyqaralyq deńgeide tanyldy. Stokgolmde ótken prozashylar festivalinde Bas nominant atanǵan.
Qalamger búginde Qazaqstan Jazýshylar odaǵy Basqarmasynyń múshesi ári proza keńesiniń tóraǵasy. Ol týǵan óńiri – Shieli aýdanynyń Qurmetti azamaty.
