Foto: instagram.com/aliya_nazarbayeva_official
Bul týraly Májilis depýtaty Erlan Sairov «AMANAT» partiiasynyń janyndaǵy Sybailas jemqorlyqqa qarsy is-qimyl jónindegi Respýblikalyq keńestiń Atyraý qalasynda ótken kóshpeli otyrysy barysynda aitty, dep habarlaidy "Ult aqparat" partiianyń baspasóz qyzmetine silteme jasap.
Ol partiia janyndaǵy Keńestiń músheleri respýblikaǵa belgili zańgerler, memleket qairatkerleri men qoǵam belsendileri jáne depýtattar ekenin alǵa tartty. Onyń aitýynsha, jemqorlyqqa qarsy keńes óz jumysy barysynda tek óńirlerdegi problemalarǵa ǵana emes, elimizde azamattar keń talqylap júrgen eń rezonansty máselelerge basa mán beredi. Osy oraida Keńes tóraǵasy jinalǵandardyń nazaryn ROP operatoryna qatysty máselege aýdardy.
«Ádiletti Qazaqstannyń kirpishi zańdy oryndaýdaǵy shyndyqtan quralady. Barlyǵy zań jáne zańdy quqyqqa sáikes bolýy kerek. Barshamyzǵa belgili jaqynda ROP dep atalatyn uiym basshylarynyń birqatary qylmystyq jaýapqa tartyldy. Sot barysynda kóptegen kýágerler jemqorlyqqa qarjynyń túpki benefitsiary Áliia Nazarbaeva dep kórsetti. Biraq sot ta, Bas prokýratýra ókilderi de sot protsesinde bul azamattardyń ýájine eshqandai nazar aýdarmady. Eger Qazaqstanda ádiletti qoǵam ornatamyz desek, árbir azamat óziniń kinásizdigin sotqa kelip dáleldeýi qajet», - dedi depýtat.
Sondai-aq ol azamattardyń ýájin mindetti túrde Bas prokýratýraǵa jetkizetinin jáne bul másele Keńestiń baqylaýynda bolatynyn alǵa tartty.
