Foto: QTJ
Kompaniia basshylary strategiialyq áriptestikti tereńdetý baǵytyn rastady, dep habarlaidy Ult.kz Rail-news.kz saityna silteme jasap.
Máskeýde «Qazaqstan temir joly» ulttyq kompaniiasy» AQ basqarma tóraǵasy Talǵat Aldybergenov pen «Resei temir joldary» AAQ bas direktory – basqarma tóraǵasy Oleg Belozerovtyń jumys kezdesýi ótti.
Kezdesýde taraptar 2024 jyldyń qarashasynda Astanada qol qoiylǵan kelisimniń oryndalý barysyn talqylap, strategiialyq áriptestikti kúsheitý baǵytyn qýattady.
Kelissóz nátijesinde memleketaralyq túiispe beketterindegi jumysty jetildirýdi kózdeitin hattamaǵa qol qoiyldy. Vagon aǵyndarynyń baǵyty ózgeredi, poiyzdardy qabyldaý jáne tapsyrý tehnologiiasy avtomattandyrylady, vagondardy qyzmet kórsetý kepildik aralyǵy ulǵaiady.
Boljam boiynsha, jyldyń ekinshi jartysynda táýligine berilýi tiis poiyzdar sany 30%-ǵa artyp, 65 juptan 85 jupqa deiin jetpek. Sondai-aq taraptar 2026–2027 jyldarǵa arnalǵan memleketaralyq túiispe beketterin damytý boiynsha sinhrondalǵan jospardy kelisti.
Kezdesý barysynda «Soltústik – Ońtústik» halyqaralyq kólik dáliziniń shyǵys baǵyty boiynsha tasymaldy keńeitý, ASOÝP-2 jobasy aiasynda aqparattyq júielerdi biriktirý, Qytai – Eýropa baǵyty boiynsha tranzittik tasymaldy avtomattandyrý, sondai-aq tranzittik deklaratsiialardy avtomatty rejimde rásimdeý jáne olardy Resei men Belarýs temir joldarynyń aqparattyq júielerimen integratsiialaý máseleleri kóterildi.
Taraptar 2026 jylǵa poiyzdardy qabyldaý/tapsyrý jáne tasymal kólemin ulǵaitý máselesin Birlesken jumys tobynyń otyrysyna shyǵarýǵa ýaǵdalasty.
Qazaqstandyq tarap biyl Dostyq–Moiynty baǵytynyń qurylysy, Almaty torabynyń ainalma temir joly jáne úsh myń shaqyrymnan astam qoldanystaǵy jelilerdi jańǵyrtý jumystary aiaqtalatynyn atap ótti. Bul QTJ-nyń ótkizý qabiletin aitarlyqtai arttyrady.
"Strategiialyq áriptestik týraly kelisimdi iske asyrý men memleketaralyq temirjol túiispelerindegi birlesken jumys aiasyndaǵy konstrýktivti yntymaqtastyǵymyz tasymal kóleminiń turaqty ósýin qamtamasyz etip, poiyz almasýdy 2025 jyldyń alǵashqy jartyjyldyǵymen salystyrǵanda 30%-ǵa – 85 jupqa deiin ulǵaitady dep senemin. Sonymen qatar biz iri infraqurylymdyq jobalardy, temirjol tasymalyn tsifrlandyrý men avtomattandyrý sharalaryn belsendi iske asyryp jatyrmyz. Atap aitqanda, tranzittik deklaratsiialardy avtomatty rejimde rásimdeý – bul bizdiń kólik-aqparattyq júielerimizdiń ashyqtyǵyn, damýyn jáne integratsiiasyn qamtamasyz etetin berik negiz", – dedi Talǵat Aldybergenov.
Aita keteiik, júk tasymaly kólemi turaqty ósip keledi. 2025 jyldyń alǵashqy alty aiynda 45 million tonnadan astam júk tasymaldanǵan – bul ótken jyldyń sáikes kezeńimen salystyrǵanda 4,1%-ǵa kóp. Konteinerlik tranzit 273,3 myń DFE-ni qurap, 2024 jylmen salystyrǵanda 18%-ǵa ósti.
