Tas kómir temirjol arqyly tutynýshylarǵa úzdiksiz jetkizilip jatyr. «Qazaqstan temir joly» kompaniiasy osylai málimdedi dep, habarlaidy QazAqparat.
Ulttyq kompaniianyń málimetinshe, qazirgi ýaqytta temir jol arqyly áleýmettik mańyzy bar júk-tas kómirdi tasymaldaý jospar boiynsha júzege asyrylyp jatyr.
«Qańtar aiynyń 11 kúninde 3,5 mln tonna qatty otyn tielip, ótken jyldyń uqsas deńgeiine qaraǵanda ósim 1,2% qurady. Onyń ishinde JEO - ǵa 2,2 mln tonna jetkizilip, kómir qorynyń ulǵaiý úrdisi baiqalýda. Áleýmettik mańyzy bar júkterdi tasymaldaý «QTJ» UK» AQ erekshe baqylaýynda», delingen habarlamada.
Kompaniianyń málimdeýinge, kún saiyn kómir razrezderi ókilderiniń qatysýymen jedel shtab keńesteri ótkiziledi. Mańyzdy júkti tasymaldaý úshin jartylai vagondar júk jóneltýshilerdiń ótinimderine sáikes tolyq kólemde beriledi.
