«Qazaqstan Temir Joly» UK» AQ basqarma tóraǵasy Saýat Myńbaev jáne kompaniia qyzmetkerleri QR Bas prokýratýrasynan jolaýshyny jábirlegen jolserikterdiń jazasyn qatańdatýdy surady, dep habarlaidy QazAqparat.
Saýat Myńbaev QR Bas prokýrory Ǵizat Nurdáýletovke arnaiy hat joldady.
«QTJ» UK» AQ basshylyǵy men qyzmetkerleri 2018 jyldyń 26 qyrkúieginde poiyz jolaýshysyna jábir kórsetken burynǵy jolserikter Jetes Úmbetaliev pen Qolqanat Qurmaniiazovtyń áreketin qatań synaidy», - delingen áleýmettik jelide jariialanǵan hat mátininde.
Osyǵan bailanysty, kompaniia burynǵy jolserikterge jasaǵan qylmysyna laiyq jaza taǵaiyndaýdy suraǵan.
Aita keteiik, Bas prokýratýra men QTJ atalǵan hatty rastady.
Eske sala ketsek, qylmys ótken jyldyń aiaǵynda bolǵan. Áiel elordadaǵy ǵylymi konferentsiiaǵa qatysyp, týǵan qalasyna kele jatqan. Kúdiktiler jymysqy áreketin iske asyrǵan kezde poiyz Qostanai oblysynyń Taran aýdany aýmaǵynda bolǵandyqtan, is Taran aýdandyq sotynda qaraldy. 26 shildede eki jolserikke úkim oqyldy.
