Fýtboldaǵy jetistikter úshin beriletin «Globe Soccer Awards» syilyǵynyń iegerleri anyqtaldy. Saltanatty marapattaý rásimi 27 jeltoqsan kúni Dýbaida ótti. Bul týraly Eurosport habarlady.
«HHI ǵasyrdyń úzdik bapkeri» nominatsiiasynda (2001-2020 jyldar aralyǵynda) «Manchester Siti»-diń tizginin ustaǵan Pep Gvardiola jeńiske jetti. Bul syilyqqa úmitkerler qatarynda Zinedin Zidan («Real»), Joze Moýriniý («Tottenhem») jáne Aleks Fergiýson («Manchester Iýnaited»-tiń burynǵy bapkeri) boldy.
«2020 jyldyń úzdik bapkeri» ataǵy «Bavariia»-men jumys isteitin Hans-Diter Flikke berildi. Ol «Liverpýl» bapkeri Iýrgen Kloppty jáne «Atalanty»-ny jattyqtyratyn Djan Pero Gasperindi artta qaldyrdy.
«HHI ǵasyrdyń úzdik oiynshysy» nominatsiiasynda «Iýventýs» klýbynyń 35 jastaǵy shabýylshysy Krishtianý Ronaldý aldy. Onymen birge Messi, Mohamed Salah jáne Ronaldinolar talasqa túsken.
Ronaldý sondai-aq «2020 jyldyń úzdik oiynshysy» ataǵyn alýy kerek edi. Sebebi ol daýys berý nátijesi boiynsha Robert Levandovskii men Lionel Messidi basyp ozǵan. Alaida, qazylar alqasy syilyqty «Bavariianyń» shabýylshysy R. Levandovskiige berýdi sheshti.
