Portýgaliia ulttyq quramasynyń jáne Týrindik «Iýventýs» klýbynyń shabýylshysy Krishtianý Ronaldý keler jyly kásibi mansabyn aiaqtaýy múmkin. Bul týraly fýtbolshynyń ózi aitty, dep habarlaidy "Ult aqparat".
Jańa maýsym qarsańynda áigili fýtbolshy Portýgaliianyń TVI arnasyna suhbat berdi.
«Jeńis ataýly qashanda mańyzdy ári oǵan toimaisyń, biraq erteń jeńe almai qalsam, ol aqyrzaman emes. Bastysy, jigeriń qum bolmaýy kerek. Eger motivatsiia bolmasa, men fýtbol oinaǵandy qoiar edim. Bálkim, ol aldaǵy jyldyń enshisinde shyǵar. Biraq men 40 jasqa deiin, 41-ge deiin de dop tebe alamyn», - dedi fýtbolshy.
Bes dúrkin Altyn dop iegeri mansabynyń sońyna deiin fýtboldan lázzat alatynyn jetkizdi.
«Dál qashan toqtaitynymdy bilmeimin, bir biletinim – sońǵy sátterge deiin fýtboldan lázzat alamyn, jumys isteimin. Meniń ár tańym solai atady. Bárin beretin – eńbek. Tipti Nobel syilyǵynyń iegerleri de qudai bergen darynynan tys, kóp eńbektenedi. Tek sporttan ǵana emes, basqa salalardan da úlgi alǵandy unatamyn», - dedi Ronaldý.
